თბილისში მცირეწლოვანის მიმართ გარყვნილი ქმედების ფაქტზე შუა ხნის მამაკაცი დააკავეს

2016-07-21 14:13:53, 1172 ნახვა

სამართალი

საქართველოს შინაგან საქმეთა სამინისტრომ მცირეწლოვნის მიმართ გარყვნილი ქმედების ფაქტი გამოავლინა.

როგორც „ექსპრესნიუსს“ შსს-ს საზოგადოებასთან ურთიერთობის სამსახურში განუცხადეს, ბავშვი კარგად არის და რაიმე სახის დაზიანებები არ აღენიშნება. დანიშნულია ექსპერტიზები.

ამასთან, უწყების ცნობით, მას შემდეგ, რაც შემთხვევის ადგილზე პოლიცია მივიდა, შუა ხნის მამაკაცმა გაქცევა სცადა, რა დროსაც წაიქცა და ფეხი დაიზიანა. იგი პოლიციის მეთვალყურეობის ქვეშ, საავადმყოფოშია გადაყვანილი.

გამოძიება სისხლის სამართლის კოდექსის 141-ე მუხლით მიმდინარეობს, რაც არასრულწლოვანთან გარყვნილი ქმედების ჩადენას გულისხმობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან