საქართველოს ეკონომიკისა და მდგრადი განვითარების სამინისტროს სსიპ „სახელმწიფო ქონების ეროვნულმა სააგენტომ“  ა(ა)იპ „ერთად რეალური ცვლილებებისათვის“ 20-წლიანი იჯარით შენობა გადასცა.

საუბარია ქ. ბორჯომში,  დ. აღმაშენებელის ქ. №31-ში, პირველ სართულზე მდებარე 567.09 კვ.მ. ფართზე. აღნიშნულ ლოკაციაზე  შეზღუდული შესაძლებლობის მქონე ბავშვთა ადრეული განვითარებისა და შშმ პირთა დღის ცენტრი მოეწყობა. დღის ცენტრი ბორჯომის მუნიციპალიტეტში მცხოვრებ 64 შშმ ბავშვს  სოციალურ რეაბილიტაციასა და  საზოგადოებაში ინტეგრაციის პროცესში დაეხმარება. 

როგორც "ექსპრენიუსს" ეკონომიკისა და მდგრადი განვითარების სამინისტროდან აცნოებს, დღის ცენტრის აღჭურვისა და პერსონალის გადამზადებაზე 70 000 აშშ დოლარი დაიხარჯება. სერვისების შექმნაში ორგანიზაციას მხარს უჭერენ გაეროს ბავშვთა ფონდი - UNICEF და  მაკლეინის ასოციაცია ბავშვებისთვის - MAC.  ადგილობრივი მუნიციპალიტეტი სარემონტო სამუშაოების ნაწილს დააფინანსებს.   

არასამთავრობო ორგანიზაცია „ერთად რეალური ცვლილებებისათვის“ ბორჯომის მუნიციპალიტეტში მცხოვრებ შეზღუდული შესაძლებლობების მქონე მოზარდებთან რამდენიმე წელია წარმატებით თანამშრომლობს.   ორგანიზაციის მიზანი  რეგიონებში შეზღუდული შესაძლებლობის მქონე პირთა დახმარება და საზოგადოებაში მათ ინტეგრაციაა. სოციალური სერვისების შექმნის საკითხებში ორგანიზაცია აქტიურად თანამშრომლობს ადგილობრივ  მუნიციპალიტეტებთან. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიმიტრი გუტკოვი - საქართველოს დემოკრატიული, ევროპული გზა ეს არ არის გზა რუსეთის წინაამდეგ, ეს მხოლოდ პუტინის დიქტატურის წინაამდეგ

ერდოღანს 2028 წელს მესამედ შეეძლება პრეზიდენტად კენჭისყრა

ვენესუელაში მიწისძვრის შედეგად დაღუპულთა რიცხვი 164-მდე გაიზარდა

კობახიძე: ჩვენთვის არავითარი ფასი არ აქვს ასეთ რეზოლუციებს, მძიმე მდგომარეობაა PACE-ში