მიხეილ ჯანელიძესა და მევლუთ ჩავუშოღლუს შორის სატელეფონო საუბარი გაიმართა

2016-07-16 13:58:58, 792 ნახვა

პოლიტიკა

საქართველოს საგარეო საქმეთა მინისტრს მიხეილ ჯანელიძესა და თურქეთის რესპუბლიკის საგარეო საქმეთა მინისტრს მევლუთ ჩავუშოღლუს შორის სატელეფონო საუბარი გაიმართა.

საგარეო უწყების ინფორმაციით, მიხეილ ჯანელიძემ შეშფოთება გამოხატა თურქეთში, გუშინ ღამით განვითარებულ პროცესებთან დაკავშირებით და იმედი გამოთქვა, რომ ძალიან მალე ვითარება სრულად დასტაბილურდება და დემოკრატიულად არჩეულ ხელისუფლებას საფრთხე არ შეექმნება.

თავის მხრივ, მევლუთ ჩავუშოღლუმ საქართველოს საგარეო საქმეთა მინისტრს მადლობა გადაუხადა განხორციელებული ზარისა და გამოხატული მხარდაჭერისთვის და აღნიშნა, რომ ამ დროისთვის თურქეთის ხელისუფლება სიტუაციას აკონტროლებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან