თურქეთის ხელისუფლება ქვეყანაში სამხედრო გადატრიალების მცდელობაში აშშ-ში მცხოვრები მუსულმანი ღვთისმსახურის ფეთჰულა გიულენის მხარდამჭერებს ადანაშაულებს, - ამის შესახებ CNN Turk-ი თურქეთის იუსტიციის მინისტრზე დაყრდნობით იუწყება.

მინისტრის თქმით, სახელწმიფო გადატრიალების მცდელობა გიულენის მოძრაობა "ხიზმეტის" ორგანიზბეულია.

ამასთან, CNN Turk-ის ეთერში, თურქეთის პრეზიდენტმა რეჯეპ ტაიპ ერდოღანმა განაცხადა, რომ მიმდინარე მოვლენების უკან “პარალელური სტრუქტურები” დგანან.

ანკარაში მიიჩნევენ, რომ გიულენი თურქეთში "ჩრდილოვან მთავრობას ქმნის, რისთვისაც მის მიერ დაფუძნებულ მოძრაობა "ხიზმეტს" იყენებს.

ცნობისთვის, თურქეთის სასამართლომ ფეთჰულა გიულენის დაკავების ორდერი 2014 წლის დეკემბერში გასცა. მალევე თურქეთში პრეზიდენტ ერდოღანის მთავარ კრიტიკოსთან კავშირში ეჭვმიტანილი ასობით სამხედრო და პოლიციის ოფიცერი დააკავეს.

შეგახსენებთ, რომ თურქეთში სახელმწიფო გადატრიალების მცდელობა მოხდა, რის შედეგადაც 17 ადამიანია გარდაცვლილი. არიან დაშავებულებიც, თუმცა მათი რაოდენობა ჯერ უცნობია. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა