აჭარის ტურიზმის დეპარტამენტის ტურისტული პროდუქტების განვითარების სააგენტო აგრძელებს გიდების გადამზადებას აჭარის ეკოტურისტული მარშრუტების მიმართულებით.

როგორც „ექსპრესნიუსს“ აჭარის ტურიზმის დეპარტამენტიდან აცნობეს, სააგენტოში ტრენინგები და ინფოტურები 15-მდე უცხოენოვანი გიდისთვის მიმდინარეობს, რომლებიც მაჭახელას ისტორიულ-კულტურული მარშრუტის მიმართულებით გადამზადდებიან.

მათივე ინფორმაციით, სატრენინგო პროგრამის ფარგლებში მონაწილეებისთვის მოეწყო ინფოტურები მაჭახელას ხეობაში, სადაც ისინი მირვეთის ველომარშრუტსა და ხეობის ისტორიულ-კულტურულ ღირსშესანიშნაოებებს გაეცნენ, დაათვალიერეს ხეობაში არსებული საოჯახო სახლები, ხელნაკეთი ნივთებისა და სხვა სერვისების მქონე ოჯახები.

გარდა ამისა, ინფოტურების ფარგლებში გიდები ხელვაჩაურის მუნიციპალიტეტში ახლად გახსნილ, ქემალ თურმანიძის ეთნოგრაფიულ მუზეუმსაც სტუმრობდნენ. მაჭახელას ისტორიულ-კულტურული მარშრუტის შესახებ გიდებისთვის თეორიული და პრაქტიკული ტრენინგები ისტორიკოსებმა და ეთნოგრაფებმა ჩაატარეს.

ტრენინგების დასრულების შემდეგ ტურისტული პროდუქტების განვითარების სააგენტოს მიერ გადამზადებული გიდების ბაზა ტურისტულ სააგენტოებს გადაეცემა და მოხდება მათი პოპულარიზაცია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი და ბალტიისპირეთის ქვეყნები რუსეთის მიერ კაშხლების, გაზსადენებისა და ელექტროსადგურების საბოტაჟისთვის ემზადებიან

რუსეთის უზენაესმა სასამართლომ ოპოზიციური პარტია იაბლოკო დუმის არჩევნებიდან მოხსნა

ადვოკატმა უარი თქვა თელავის სასტუმროში მომხდარ ინციდენტში ბრალდებულის დაცვაზე

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.