კანონი “ოკუპირებული ტერიტორიების შესახებ” მნიშვნელოვანია, მაგრამ ეუთოს საპარლამენტო ასამბლეის მიმდინარეობისას ხელი არც ერთ დელეგაციას არ შეეშლება, - ამის შესახებ საქართველოს პარლამენტის თავმჯდომარე დავით უსუფაშვილმა საქართველოში ეუთოს ასაბლეის ღონისძიებაზე რუსეთის დელეგაციის ჩამოვლასთან დაკავშირებით განაცხადა.

„საქარათველო მასპინძლობს ეუთო-ს ღონისძიებას. ჩვენ ამ თემაზე გვქონდა საუბარი და ეუთო-სთან, შევთანხმდით, რომ დელეგატებს არ შეექმნებათ არანაირი პრობლემა ვიდრე, ისინი ეუთო-ს ღონისძიებაში მონაწილეობენ. ამ თემაზე მემორანდუმიც გაფორმდა, იყო შეხვედრები გაიმართება პრეზიდენტთან, პრემიერთან და ჩემთან. ეს ეხება რუსულ დელეგაციასაც. კანონი "ოკუპირებული ტერიტორიების შესახებ" თუ ვინმეს აქვს დარღვეული, სამთალდამცველი ორგანოები მიიღებენ შესაბამის ზომებს. კანონი მოქმედებს ყოველ დღე და ყოველ წუთს, მაგრამ ამ ღონიძიების მიმდინარეობისას ხელი არც ერთ დელეგაციას არ შეეშლება. ეს არის ჩვენი საერთაშორისო ვალდებულება, რომელიც უფრო მნიშვნელოვანია ვიდრე ჩვენი შიდა კანონმდებლობა“, - განაცხადა უსუფაშვილმა.

როგორც პარლამენტის თავმჯდომარემ აღნიშნა, რუსეთის დელეგაციის ჩამოსვლასთან დაკავშირებით სპეკულაციები იქნება.

“უკვე მესმის რაღაც კითხვები „ნაციონალური მოძრაობისგან“, რომ რუსეთის დელეგაციას ვუშვებთ თუ არ ვუშვებთ. ყველას გთხოვთ ეს კითხვა დაუსვათ გიგი წერეთელს, ეუთო-ს ვიცე-თავმჯდომარეს, რომელმაც ჩემთან ერთად, ეუთო-ს მისცა პირობა, რომ ყველა ქვეყნის ყველა დელეგაცია შეუფერხებლად იმუშავებს. თუ ეს ასე არ არის მან ბრძანოს. თუ ჩვენ საერთაშორისო ორგანიზაციებს ხელს შევუშლით მუშაობაში ჩვენ წავაგებთ, რადგან მათ იმედად ვართ ტერიტორიული მთლიანობის მოგვარების თვალსაზრისითაც“, - განაცხადა პარლამენტის თავმჯდომარემ.

ეუთო-ს საპარლამენტო ასამბლეა თბილისში 1-5 ივლისს გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიმიტრი გუტკოვი - საქართველოს დემოკრატიული, ევროპული გზა ეს არ არის გზა რუსეთის წინაამდეგ, ეს მხოლოდ პუტინის დიქტატურის წინაამდეგ

ერდოღანს 2028 წელს მესამედ შეეძლება პრეზიდენტად კენჭისყრა

ვენესუელაში მიწისძვრის შედეგად დაღუპულთა რიცხვი 164-მდე გაიზარდა

კობახიძე: ჩვენთვის არავითარი ფასი არ აქვს ასეთ რეზოლუციებს, მძიმე მდგომარეობაა PACE-ში