"ნიდერლანდებში, დანიასა და შვედეთში ანალოგიური რეფერენდუმის ჩატარების მოთხოვნები გაძლიერდება. სავარაუდოდ შოტლანდიაც დააყენებს გაერთიანებული სამეფოდან გამოყოფის რეფერენდუმს. გეგმა "B" უკვე არსებობს და ის "მცირე ევროკავშირის" შექმნას ითვალისწინებს, რაც თუ განხორციელდა აღმოსავლეთ ევროპის წევრებს ალიანსს მიღმა დატოვებს", - ამის შესახებ საერთაშორისო ურთიერთობებისა და სამართლის ექსპერტმა ლევან ბოძაშვილმა განაცხადა.

მისი შეფასებით, ბრიტანელებმა თავისივე კითხვას "ყოფნა არ ყოფნა" 13 წლის შემდეგ უპასუხეს და პასუხი არ ყოფნაა.  

"13 წლის შემდეგ ბრიტანელებმა თავისივე კითხვას "ყოფნა, არ ყოფნა" როგორც იქნა პასუხი გასცეს - არ ყოფნა..და დატოვეს ევროკავშირი...მართალია რეფერენდუმი არასავალდებულოა, მის შედეგს მაინც ვერავინ უარყოფს. სავარაუდოდ დღესვე კემერონი გადადგება. ევროკავშირის საბჭოსადმი შეტყობინებიდან 2 წელი აქვს ბრიტანეთს რომ გასვლის ტექნიკური და ფორმალური საკითხები შეათანხმოს ევროკავშირთან, ამ პერიოდში ის გადაწყვეტილებების მიღებაში აღარ მონაწილეობს, თუმცა მანამდე არსებული ყველა ვალდებულება ძალაში რჩება. 

ნიდერლანდებში, დანიასა და შვედეთში ანალოგიური რეფერენდუმის ჩატარების მოთხოვნები გაძლიერდება. სავარაუდოდ შოტლანდიაც დააყენებს გაერთიანებული სამეფოდან გამოყოფის რეფერენდუმს. გეგმა "B" უკვე არსებობს და ის "მცირე ევროკავშირის" შექმნას ითვალისწინებს, რაც თუ განხორციელდა აღმოსავლეთ ევროპის წევრებს ალიანსს მიღმა დატოვებს. წარმოდგენაც არ მინდა ეს რას გამოიწვევს გეოპოლიტიკურად.

NATO-ს მნიშვნელობა დღეს ისეთი აქტუალურია როგორც არასდროს საბჭოთა კავშირის დაშლის შემდეგ. ფუნტი 1992 წლის "შავი პარასკევის" შემდეგ რეკორდულად დაეცა. ევროკავშირის წესებით 3 მილიონი ბრიტანელია დასაქმებული. მალე ბრიტანელები ინანებენ ამ გადაწყვეტილებას. ამიტომაც, გაკვეთილი 1: ხალხს არ უნდა ჰკითხო, ანუ რეფერენდუმზე არ უნდა დასვა ის საკითხი, რის გადასაწყვეტადაც ხელისუფლება არსებობს, 2: ხალხმა იცის რა სურს, მაგრამ არ იცის რა სჭირდება, ამისთვის ხელისუფლება არსებობს.

არსებული პრაქტიკით, ყველა არსებითი რეფერენდუმი რომელიც ევროკავშირის საკითხებზე აქამდე ჩატარებულა უარყოფითი შედეგით დასრულდა 3: ზღვარგადასულ რეგულირებაში ჩამხრჩვალმა დემოკრატიამ თავის თავი ბიუროკრატიაში შეჭამა, ამიტომაც აქაც ზომიერებაა საჭირო და 4: ერთადერთი ვისაც ეს აწყობდა რუსეთი იყო", - წერს ლევან ბოძაშვილი facebook-ში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას