საქართველოს ეკონომიკისა და მდგრადი განვითარების მინისტრი სიცრუეს უწოდებს სამოქალაქო პლატფორმა - ”ახალი საქართველოს”ერთ-ერთმა დამფუძნებელის გივი კუბლაშვილის მიერ გავრცელებულ ინფორმაციას, თითქოს  40 მილიონ ევროდ შეძენილი ორსართულიანი მატარებელი არც ერთ გვირაბში არ ეტევა.

ქუმსიშვილის თქმით, საქართველოს რკინიგზასთან ტექნიკური შესაბამისობა სრულად შემოწმებულია და პრობლემა არ არსებობს:

„მატარებლები, რომელბიც „საქართველოს რკინიგზამ“ შეიძინა, არის ძალიან მაღალი ხარისხის და კლასის. ასეთი მატარებლები ჩვენ არ გვყოლია. ტექნიკური შესაბამისობა ჩვენ რკინიგზასთან არის სრულად შემოწმებული და მოლაპარაკებები მათ შორის ტექნიკურ დონეზე მიმდინარეობდა საკმაოდ დიდი ხნის მანძილზე.შესყიდვა არ ხდება ისე, თუ არ არის ტექნიკურ  შესაბამისობაში და ტექნიკურ ნაწილში მნიშვნელოვანი სამუშაოები განხორციელდა. დეტალური საბუთების მიხედვით იყო გადაწყვეტილება მიღებული და ამ მატარებლების  სხვა შემთხვევაში ყიდვის დროს, ჩვენ სადღაც 4-5 მლნ დოლარით მეტის გადახდა მოგვიწევდა, რაც დღეს დავზოგეთ. ეს არის შიდა ტურიზმის განვითარებისთვის. ვიმედოვნებ, თქვენც იმგზავრებთ ამ მატარებლით.

რა თქმა უნდა, ინფრასტრუქტურა მზადაა. როგორ გგონიათ, ჩვენ წავედით და ვიყიდეთ მატარებელი, რომელიც....თქვენ წარმოგიდგენიათ რას ლაპარაკობთ?! ასეთი რამ შეიძლება იკითხო, რომ ვიღაცა წავიდა, გადაიხადა ამხელა ფული, 4 მატარებელი იყიდან და...“,-განაცხადა დიმიტრი ქუმსიშვილმა ჟურნალისტის მიერ დასმულ კითხვაზე პასუხისას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.

ფილფანი- გამოძიება უნდა დაიწყოს ირაკლი კობახიძის და ყველა იმ მაღალჩინოსანი პირის მიმართაც, რომელიც საქართველოს ადანაშაულებს

Volvo 365 – ერთი წელი ავტომობილის ფლობასთან დაკავშირებული ძირითადი ხარჯების გარეშე

სეპარატისტული რეჟიმი: თურქეთში აფხაზური პასპორტების აღიარების საკითხზე დისკუსია მიმდინარეობს