საქართველოს შეიარაღებული ძალების სამხედრო საინჟინრო ბრიგადის EOD ასეულის სამხედრო მოსამსახურეებისთვის „პარტნიორობა მშვიდობისათვის“ სატრასტო ფონდის პროექტ „საქართველო IV“-ის ფარგლებში მორიგი სწავლება მიმდინარეობს.

თავდაცვის სამინისტროს ინფორმაციით, კურსი, რომელსაც ლუქსემბურგის დიდი საჰერცოგოს შეიარაღებული ძალების წარმომადგენლები ატარებენ, დიდი რაოდენობით საბრძოლო მასალების განადგურების მეთოდების დაუფლებას ისახავს მიზნად და მასში EOD ასეულის 10 სამხედრო მოსამსახურე მონაწილეობს. 

დღეს საჩვენებელი სწავლება ვაზიანის სასროლეთზე გაიმართა. სამკვირიანი სწავლებიდან პირველი კვირა თეორიულ სწავლებას დაეთმო, მომდევნო ორი კვირის განმავლობაში კი ტრენინგში ჩართული სამხედრო მოსამსახურეებისთვის პრაქტიკული მეცადინეობებია გათვალისწინებული. პრაქტიკული სწავლების ნაწილი ინსტრუქტორების მხრიდან მითითებების მიღებას, შემდეგ კი მიღებული ცოდნის პრაქტიკაში განხორციელებას გულისხმობს.

სწავლება 30 მაისს დაიწყო და 17 ივნისს დასრულდება. ლუქსემბურგის დიდი საჰერცოგოს შეიარაღებული ძალების წარმომადგენლები საქართველოში ტრენინგს პირველად ატარებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ