France 5 საქართველოს შესახებ დოკუმენტურ ფილმს იღებს

2016-06-10 12:47:14, 996 ნახვა

ეკონომიკა

საფრანგეთის ერთ-ერთი ყველაზე პოპულარული ტელეკომპანია მეხუთე არხი (France 5) საქართველოს შესახებ დოკუმენტურ ფილმს იღებს.

ეკონომიკისა და მდგრადი განვითარების სამინისტროს ინფორმაციით, 52 წუთიანი ფილმი საქართველოს ტურისტულ და ისტორიულ-კულტურულ პოტენციალს მიეძღვნება.

მათივე ინფორმაციით, ფრანგული დოკუმენტური სერიების „A Ciel Ouvert“ („ღია ცის ქვეშ“) შემოქმედებითი ჯგუფი საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით და კულტურისა და ძეგლთა დაცვის სამინისტროს მხარდაჭერით ეწვია.

შემოქმედებითი ჯგუფის წევრებმა ფილმის გადაღებისთვის სამცხე-ჯავახეთი, იმერეთი, აჭარა, სამეგრელო, სვანეთი, შიდა ქართლი და კახეთი მოინახულეს.

ფრანგული ტელეკომპანია მეხუთე არხის (France 5) ჯგუფის წევრებს თბილისში ტურიზმის ეროვნული ადმინისტრაციის ხელმძღვანელი გიორგი ჩოგოვაძე შეხვდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან