ექსპერტ გია ხუხაშვილის შეფასებით,  თამარ სანიკიძე სუსტი მინისტრი იყო და მისი თანამდებობიდან გადაყენება სწორედ ამ ფაქტს უნდა უკავშირდებოდეს.

მისივე  თქმით, განათლების სისტემაში როგორც რეფორმის, ისე მიმდინარე ოპერატიული საკითხების თვალსაზრისით, ბევრი პრობლემა იყო.

"თამარ სანიკიძე არ ბრწყინავდა როგორც მინისტრი, ეს გასაგებია იმიტომ, რომ ძალიან ბევრი პრობლემა იყო განათლების სისტემაში როგორც რეფორმის თვალსაზრისით, ასევე მიმდინარე ოპერატიული საკითხების თვალსაზრისით, ბევრი დაძაბულობის კერები გაჩნდა გარდა იმისა, რომ თვითონ განათლების პროცესი ჩაშლის პირას არის დამდგარი. მიზეზი ალბათ სავარაუდოდ ეს იყო",-განუცხადა ხუხაშვილმა "ექსპრესნიუსს".

მისივე თქმით, სანიკიძის შემცვლელს არ იცნობს და შეუძლია მხოლოდ წარმატებები უსურვოს:

 "რა იქნება შემდგომში,  ამაზე ვერაფერს გეტყვით იმიტომ, რომ  ჯერჯერობით ჯეჯელავას მე არ ვიცნობ, ბუნდოვანი წარმოდგენა მაქვს მასზე. ვუსურვებ წარმატებას",-აღნიშნა გია ხუხაშვილმა.

საქართველოს განათლებისა და მეცნიერების მინისტრის პოსტზე  თამარ სანიკიძეს ალექსანდრე ჯეჯელავა ცვლის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.

ფილფანი- გამოძიება უნდა დაიწყოს ირაკლი კობახიძის და ყველა იმ მაღალჩინოსანი პირის მიმართაც, რომელიც საქართველოს ადანაშაულებს

Volvo 365 – ერთი წელი ავტომობილის ფლობასთან დაკავშირებული ძირითადი ხარჯების გარეშე

სეპარატისტული რეჟიმი: თურქეთში აფხაზური პასპორტების აღიარების საკითხზე დისკუსია მიმდინარეობს