თბილისის საქალაქო სასამართლოს ყოფილი თავმჯდომარის მამუკა ახვლედიანის განცხადებით, ტელევიზიიდან შეიტყო იმ  ინფორმაციის თაობაზე, რომ  მოსამართლე ნათია გუჯაბიძეს, სახელწმიფოს ხარჯზე ოჯახის წევრისგან ჰქონდა ბინა ნაქირავები.

ახვლედიანის თქმით, კანონმდებლობა  ითვალისწინებს მოსამართლისთვის ბინის ქირის გადახდას იმ შემთხვევაში, თუ ის რეგიონიდანაა,  ან მოსამართლის მოვალეობას რეგიონში ასრულებს.

 "ნამდვილად არ არის საურველი, რომ ოჯახის წევრს უხდიდეს თანხას, მაშინ დამანატის სახით განუსაზღვრავდნენ  და არა კონკრეტულად ხელშეკრულების სახით",-განაცხადა მამუკა ახვლედიანმა და დასძინა, რომ მსგავსი შემთხვევის შესახებ აქამდე არ სმენია.

"თუ მსგავსი ფაქტი მოხდა, ამაზე რეაგირება იუსტიციის უმაღლეს საბჭოს უნდა მოეხდინა, თუმცა საბჭო სხვა საქმეებითაა დაკავებული და მათ ასეთი საქმეებისთვის, როგორც ჩანს, არ სცალიათ",-აღნიშნა მამუკა ახვლედიანმა.

ინფორმაციისთვის, სსიპ საერთო სასამართლოების დეპარტამენტი უზრუნველყოფს მოსამართლეების საცხოვრებელი ფართის ქირავნობის ხარჯებს „საერთო სასამართლოების შესახებ“ საქართველოს ორგანული კანონის შესაბამისად. მოსამართლეს, რომელსაც სამოსამართლო უფლებამოსილების განსახორციელებლად თვითმმართველ ქალაქში პირად საკუთრებაში არ აქვს საცხოვრებელი ბინა, სახელმწიფო უზრუნველყოფს აუცილებელი საცხოვრებელი ფართობით, ან უნაზღაურებს საამისოდ საჭირო ხარჯებს. თუმცა, ვრცელდება ინფორმაცია, რომ მოსამართლე ნათია გუჯაბიძე ბინას საკუთარი ოჯახის წევრისგან ქირაობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.

ფილფანი- გამოძიება უნდა დაიწყოს ირაკლი კობახიძის და ყველა იმ მაღალჩინოსანი პირის მიმართაც, რომელიც საქართველოს ადანაშაულებს

Volvo 365 – ერთი წელი ავტომობილის ფლობასთან დაკავშირებული ძირითადი ხარჯების გარეშე

სეპარატისტული რეჟიმი: თურქეთში აფხაზური პასპორტების აღიარების საკითხზე დისკუსია მიმდინარეობს