მე ვემხრობი, რომ "რუსთავი 2" დარჩეს ისეთად, როგორიც არის და ჰყავდეს დირექტორი ნიკოლოზ გვარამია, ეს ჩვენთვის არანაირ საშიშროებას არ წარმოადგენს, - ამის შესახებ საქართველოს პრემიერ-მინისტრმა ჟურნალისტებს ბორდოში, თემის კომენტირებისას განუცხადა.

გიორგი კვირიკაშვილმა კიდევ ერთხელ აღნიშნა, რომ შეცვლილი "რუსთავი 2"-ის ხილვას არ ისურვებდა, რათა ვინმეს ამით სპეკულირების საშუალება არ მისცემოდა, მით უმეტეს, წინასაარჩევნო პერიოდში, თუმცა ხელისუფლება სასამართლოს საქმიანობაში არ ერევა.

"სასამართლო არის სასამართლო. ის იხილავს საკუთრების საკითხს, ეს არის სამოქალაქო პროცესი და ჩვენ მასში ჩარევის არანაირი უფლება არ გაგვაჩნია. კიდევ ერთხელ ვადასტურებ, ჩემი სურვილია, სალაპარაკო ამით არავის მიეცეს. რამდენად მოხდება რაიმე ცვლილება, ან არა, ამას წინასწარ ვერ გეტყვით.

მაგრამ შემიძლია, კიდევ ერთხელ დაგიდასტუროთ, არანაირი ცვლილების სურვილი არ მაქვს, მიუხედავად იმისა, რომ, ადამიანურად, შეიძლება მქონდეს წყენაც, პრეტენზიაც, რომ ხანდახან წარმატება არ წარმოჩინდება, ხანდახან მხოლოდ უარყოფითის გაშუქება ხდება. ეს არის ჩვეულებრივი მოვლენა დემოკრატიისთვის და მე, როგორც პრემიერ-მინისტრს, არანაირი პრეტენზია არ შეიძლება მქონდეს კერძო ტელევიზიის მიმართ", - განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფასდაკლებული პროდუქტის სამთავრობო პორტალი ჩაირთო

გვარაკიძე: კვლავ მკაცრი იყო პროკურატურის პოლიტიკა ოჯახურ დანაშაულზე, ყველას პატიმრობას ვითხოვდით

საქმე ეხება ფსიქოტროპული წამლებით უკანონო ვაჭრობას - დაკავებულია 17 პირი

რუსეთის კიდევ შვიდ რეგიონში ბენზინის გაყიდვებზე შეზღუდვები დაწესდა