კორცხელის ინციდენტში მონაწილე სპორტსმენების დაკავებას შსს არ ადასტურებს

2016-05-24 23:07:08, 1041 ნახვა

სამართალი

ცოტა ხნის წინ გავრცელა ინფორმაცია, რომ კორცხელის ინციდენტში მონაწილე სპორტსმენები დააკავეს, თუმცა აღნიშნული ინფორმაცია შინაგან საქმეთა სამინისტრომ არ დაადასტურა.

სპორტსმენების დაკითხვა შსს-ში ამ წუთებშიც გრძელდება. სამინისტროსთან კი სპორტსმენების მხარდამჭერი აქცია მიმდინარეობს, სადაც ეს ინფორმაცია [დაკითხვაზე მყოფი სპორტსმენების დაკავება] გავრცელდა.

აქციის მონაწილეები ნაციონალური მოძრაობის წევრების დაკითხვას ითხოვენ და აცხადებენ, რომ კორცხელში მომხდარი ინციდენტი სწორედ ოპოზიციის პროვოკაციას მოჰყვა.

ცნობისთვის, შს მინისტრის დღევანდელი განცხადების შემდეგ სპორტსმენებმა გადაწყვიტეს თავისი ნებით მივიდნენ შსს-ში და ჩვენება მისცენ. სპორტსმენები აცხადებენ, რომ დასამალი არაფერი აქვთ.