"საქართველოს ლუდის კომპანია" -  "ზედაზენი"  დიეტური ლიმონათის ჩამოსხმას იწყებს. 

როგორც დღეს გამართულ პრეზენტაციაზე კომპანიის კომერციულმა დირექტორმა, კახა პაიჭაძემ განაცხადა, დიეტური სასმელი მათ კონკურენტ კომპანიებსაც აქვთ, თუმცა იგი განმარტავს, რომ „ზედაზენის" ლიმონათს „დიეტური გემო" არ აქვს და ნულკალორიანი ლიმონათს არასასიამოვნო გემოც არ ახასიათებს.

 „ზედაზენის" დიეტური ლიმონათი ქართულ ბაზარზე უკვე გამოჩნდა. 

ლიტრიანი ბოთლის ფასი 1 ლარამდე, ხოლო ორლიტრიანის - 1.80 ლარამდე იქნება.
კომპანია ამ ეტაპზე სამი სახეობის: მსხლის, ტარხუნისა და საფერავის არომატის ლიმონათს აწარმოებს. 

„ამიერიდან ყველას, ვინც ზრუნავს საკუთარ გარეგნობაზე და აკონტროლებს კალორიების მიღების დღიურ ნორმას, შეეძლება შეუზღუდავად ისიამოვნოს ზედაზენის დიეტური ლიმონათით. დიეტური ზედაზენის მოხმარება შაქრიანი დიაბეტის მქონეთათვისაცაა დასაშვები. მთავარი სიახლე არის ის, რომ ჩვენ ძალიან ბევრი ვიმუშავეთ გემოზე, მოგეხსენებათ, რომ დიეტურ ლიმონათებს რაღაცნაირი გემო აქვს, თუმცა ჩვენს ახალ ლიმონათს ეს არ ახასიათებს“, - აცხადებენ კომპანიაში.

კომპანიის თანამშრომლებმა ცნობილ სახეებსა და ჟურნალისტებს საშუალება მისცეს, ქარხანაში  დიეტური ლიმონათის ჩამოსხმის პროცესი თავად ენახათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლიკლიკაძე - მძიმე წარსულზე ლაპარაკისას, ადამიანს შეიძლება ცდომილება მოუვიდეს

ბოლო ერთი თვის განმავლობაში, საარსებო შემწეობა კიდევ 7 235 საქართველოს მოქალაქეს შეუწყდა

ყაზახეთი განიხილავს ნავთობის ექსპორტის დამატებით მარშრუტებს, მათ შორის ბაქო-თბილისი-ჯეიჰანს

თურქეთის პარლამენტის წევრებმა ანკარას მოუწოდეს, აღიაროს აფხაზური პასპორტები