2016-05-10 23:34:23, 584 ნახვა
პოლიტიკა
ფიქრია ჩიხრაძე: როგორ შეიძლება, "ქართული ოცნება" და "რესპუბლიკელები" ერთად იღებდნენ პასუხისმგებლობას
"როგორ შეიძლება, ქართული ოცნება და რესპუბლიკელები ერთად იღებდნენ პასუხისმგებლობას" - ამის შესახებ პრეზიდენტის მრჩეველმა ფიქრია ჩიხრაძემ გადაცემა "არჩევანში" განაცხადა.
ჩიხრაძის განცხადებით, ისინი ფუნდამენტალურად განსხვავებულ განცხადებებს აკეთებენ და მისთვის გაუგებარია, ამ ფონზე ერთად ყოფნა როგორ უნდა გააგრძელონ, თუნდაც არჩევნებამდე დარჩენილ პერიოდში.
“როდესაც იწყება ასეთი ფუნდამენტური დაპირისპირება ასეთ ფუნდამენტურ საკითხებზე, მე უბრალოდ მაქვს შეკითხვა, მათ შორის რესპუბლიკელებთანაც, როგორ შეიძლება, ისინი ერთ კოალიციაში ერთად იღებდნენ პასუხისმგებლობას, თუნდაც არჩევნებამდე დარჩენილ დროში და იმ გადასადგმელ ნაბიჯებში, რომელიც ამ მნიშვნელოვან პერიოდში კიდევ აქვს საქართველოს გადასადგმელი,“ - განაცხადა ჩიხრაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
