გიორგი ანწუხელიძის სახელობის სერჟანტთა მომზადების ცენტრში ოცეულის სერჟანტთა შუალედური და სერჟანტთა მომზადების ძირითადი სასწავლო კურსები დასრულდა.

თავდაცვის სამინისტროს ინფორმაციით, ღონისძიებას საქართველოს შეიარაღებული ძალების წვრთნებისა და სამხედრო განათლების სარდლობის შტაბის უფროსი, პოლკოვნიკი როინ ფაილოძე დაესწრო და კურსდამთავრებულებს წვრთნების დასრულება მიულოცა.

უწყების ცნობით, საზეიმო ცერემონიალზე ასევე იმყოფებოდნენ საქართველოს შეიარაღებული ძალების მთავარი სერჟანტი კობა ცირეკიძე და სხვა მაღალი რანგის სამხედრო მოსამსახურეები.

ოცეულის სერჟანტთა შუალედური კურსი 45-მა სამხედრო მოსამსახურემ დაამთავრა. სწავლება 13 კვირის განმავლობაში მიმდინარეობდა. სერჟანტთა მომზადების ძირითადი სასწავლო კურსი კი, 85-მა სამხედრო მოსამსახურემ გაიარა. 12-კვირიანი პროგრამის განმავლობაში სამხედრო მოსამსახურეებმა საცეცხლე და სამწყობრო მომზადება, თავდაცვის, თავდასხმისა და ქვედანაყოფის მართვის პროცედურები შეისწავლეს. კურსი მეთაურობის, ქვეითთა საბრძოლო ვარჯიშებისა და საპატრულო ოპერაციების შესრულებასაც მოიცავდა. 

საზეიმო ცერემონიალი სერტიფიკატების გადაცემით გაგრძელდა. შემდეგ კი, კურსდამთავრებულები გიორგი ანწუხელიძის სახელობის სერჟანტთა მომზადების ცენტრის მოძღვარმა, მამა გიორგიმ დალოცა.

საქართველოს შეიარაღებული ძალების სერჟანტები საკუთარ ქვედანაყოფებს დაუბრუნდებიან და შესაბამის თანამდებობებზე დაინიშნებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა