საქართველოს პრეზიდენტის ადმინისტრაცია ადრეული  ქორწინების წინააღმდეგ ცნობიერების ამაღლების კამპანიაში ჩაერთო.

როგორც „ექსპრესნიუსს“ პრეზიდენტის ადმინისტრაციის პრესსამსახურიდან აცნობეს, ადრეული ქორწინების წინააღმდეგ წარმოებული კამპანიის ფარგლებში, დღეს საქართველოს პრეზიდენტის მრჩეველი სოფიო შამანიდი, კავშირის "საფარი" წარმომადგენლებთან ერთად, ქვემო ქართლში სკოლის მოსწავლეებსა და ახალგაზრდებს შეხვდა.

შეხვედრისას ისაუბრეს იმ პრობლემებზე, რომელსაც ადრეული  ქორწინება წარმოშობს, ასევე, იმ საკანონმდებლო ცვლილებებზე, რომელიც აღნიშნულ საკითხთან დაკავშირებით საქართველოს პარლამენტმა მიიღო.

„საქართველოში ადრეული ქორწინება ჯერ კიდევ მწვავე პრობლემად რჩება, განსაკუთრებით, ეთნიკური უმცირესობებით დასახლებულ რეგიონებში. ძალიან მნიშვნელოვანია, ახალგაზრდებმა იცოდნენ, რა რისკებთანაა დაკავშირებული ადრეული ქორწინება, რა სასჯელია განსაზღვრული იმ პირებისათვის, ვინც არასრულწლოვანს მოიყვანს ცოლად", - განაცხადა სოფიო შამანიდმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე