„აქცია მიიღებს პერმანენტულ სახეს, იმისთვის რომ ნარმანიას არ მიეცეს საშუალება იყოს ივანიშვილის ახირებების ბრმა შემსრულებელი“, - ამის შესახებ ჟურნალისტებს საკრებულო წევრმა, ფრაქცია „ნაციონალური მოძრაობის“ წარმომადგენელმა ირაკლი აბესაძემ განუცხადა.

დეპუტატის განცხადებით, საკრებულოში დღეს უნდა განხილილიყო გენერალური გეგმის ექვსთვიანი შედეგები რომელსაც თბილისის მერი უნდა დასწრებოდა. აღნიშნული შეხვედრა გადაიდო.

„ჩვენ ავედით დედაქალაქის მთავრობის სხდომაზე და მათ პასუხები არ აქვთ არაფერზე. რა პასუხებიც ჰქონდათ ის საზოგადოებამ გუშინ უკვე მოისმინა. თბილისის მერი საზოგადოებასაც და საკუთარ თავსაც ემალება. აქცია კიდევ გაგრძელდება და პერმანენტულ სახეს მიიღებს და გახდება მრავალრიცხოვანი იმისთვის, რომ ნარმანიას არ მიეცეს საშუალება იყოს ბიძინა ივანიშვილის ახირებების ბრმა შემსრულებელი“, - განაცხადა ირაკლი აბესაძემ. 

ამ დროისთვის მერიასთან აქცია მიმდინარეობს. აქციის მონაწილეები ბოტანიკური ბაღის ტერიტორიის გასხვისებას აპროტესტებენ, არსებული ინფორმაციით ეს ტერიტორია ბიძინა ივანიშვილის საკუთრებაში გადავიდა. ამ ეტაპზე აქციაზე მშვიდი ვითარებაა. მობილიზებულია საპატრულო პოლიციის რამდენიმე ეკიპაჟი. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე