25-26 აპრილს ქ. ბრიუსელში მიმდინარეობს  ევროკავშირი-საქართველოს საპარლამენტო ასოცირების კომიტეტის მეორე სხდომა. მასში  საქართველოს მხრიდან მონაწილეობენ საქართველოს პარლამენტის წევრები და აღმასრულებელი ხელისუფლების წარმომადგენლები.

სხდომის ფარგლებში განიხილება საქართველო-ევროკავშირის ურთიერთობები, საქართველოში მიმდინარე დემოკრატიული რეფორმები და კონფლიქტის მშვიდობიანი მოგვარების საკითხები.

 25 აპრილის სხდომაზე სიტყვით გამოვიდა  საგარეო საქმეთა მინისტრის პირველი მოადგილე დავით ზალკალიანი, რომელმაც ისაუბრა საქართველო-ევროკავშირის ურთიერთობების აქტუალურ მიმართულებებზე.

კომიტეტში სიტყვით გამოსვლისას მინისტრის პირველმა მოადგილემ განსაკუთრებული ყურადღება დაუთმო ევროკავშირთან სავიზო რეჟიმის ლიბერალიზაციის მიმდინარე პროცესს, საქართველოს ხელისუფლების მიერ განხორციელებულ რეფორმებს და ხაზი გაუსვა პროცესის დროულად დასრულების მნიშვნელობას.

იმის გათვალისწინებით, რომ საქართველოსთან უვიზო რეჟიმის შემოღების საკითხი ამჟამად განიხილება ევროპარლამენტსა და ევროკავშირის საბჭოში, დავით ზალკალიანმა მიმართა ევროპარლამენტის წარმომადგენლებს  აქტიურად დაუჭირონ მხარი საქართველოსთან უვიზო რეჟიმის შემოღებასა და დააჩქარონ შესაბამისი პროცედურები.

ევროკავშირი-საქართველოს საპარლამენტო ასოცირების კომიტეტის ევროპარლამენტის წევრებმა სრული მხარდაჭერა აღუთქვეს ქართულ მხარეს  ევროპარლამენტში საქართველოსთან უვიზო რეჟიმის შემოღების საკითხზე განხილვების დროულად დასრულებასთან დაკავშირებით. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს