2016-04-22 17:01:24, 561 ნახვა
საზოგადოება
პუშკინის ქუჩაზე მოძრაობა გადაიკეტება
პუშკინის ქუჩაზე მიმდინარე სარეაბილიტაციო სამუშაოების დროულად დასრულების მიზნით, დღეს 00:00 საათიდან 24 აპრილის დილის 08:00 საათამდე, საავტომობილო მოძრაობა გადაიკეტება.
თბილისის მერიის კეთილმოწყობის სამსახურის ინფორმაციით, ამ დროისათვის მიმდინარეობს გზის გაფართოების სამუშაოები, მალის ნაშენის მოწყობა.
პროექტი ითვალისწინებს პუშკინის ქუჩაზე ესტაკადის მშენებლობას, საავტომობილო და საფეხმავლო გზის გაფართოებას და ქუჩაზე ორმხრივი მოძრაობის აღდგენას, რაც განტვირთავს მიმდებარე ქუჩებს.
თბილისის მერია მოსახლეობას შეფერხებისთვის ბოდიშს უხდის.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
