საქართველოს პარლამენტის თავდაცვისა და უშიშროების კომიტეტის თავმჯდომარის ირაკლი სესიაშვილის თქმით, სავალდებულო სამხედრო სამსახურის გაუქმებასთან დაკავშირებით განსხვავებული აზრი აქვს.

მისივე თქმით, მან თავდაცვის მინისტრსა და გენერალური შტაბის ხელმძღვანელს თავის აზრი უკვე გააცნო.

"ერთის  მხრივ, უნდა მოხდეს მსჯელობა იმ დისკომფორტის შემცირებაზე, რაც ახალგაზრდებს აქვთ სამხედრო სამსახურთან მიმართებაში.  მეორე  მხრივ, აუცილებელია ტრანსფორმაცია სავალდებულო სამხედრო და სარეზერვო სამსახურების", - განაცხადა სესიაშვილმა.

როგორც ირაკლი სესიაშვილმა აღნიშნა, მას იმედი აქვს, რომ კონსულტაციების შედეგად ერთი საერთო პოზიცია ჩამოყალიბდება, რომელიც ქვეყნის თავდაცვისუნარიანობას უფრო გაზრდის.

“თავდაცვის მინისტრს, რა თქმა უნდა, აქვს იმის უფლება, რომ საკუთარი ხედვა გააცნოს საზოგადოებას, მაგრამ უკვე დიდი ხანია, განსხვავებულ პოზიციებს ვაფიქსირებ. მეტიც, ჩვენ ცოტა ხნის წინ, კრწანისის სასწავლო ცენტრში შევხვდით და,  როგორც თავდაცვის მინისტრს, ისე გენშტაბის წარმომადგენლებს ჩემი პოზიცია გავაცანი, თუ როგორ უნდა მოხდეს სავალდებულო სამსახურის რეფორმირება“,- აღნიშნა სესიაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა