საქართველოს იუსტიციის სამინისტროს სსიპ „დანაშაულის პრევენციის ცენტრი“  საზოგადოებრივ ცენტრებში სხვადასხვა თემატურ ტრენინგებს განაგრძობს.

ცენტრის ინფორმაციით, რუხსა და მარტყოფში ადგილობრივი სკოლების მოსწავლეებისთვის მოხალისეობის კულტურის განვითარების ხელშეწყობის მიზნით ტრენინგები ჩატარდა. მოსწავლეები აქტიურად ჩაერთვნენ მოხალისეობის არსის შესახებ გამართულ დისკუსიაში, ისაუბრეს სამოქალაქო საზოგადოების ჩამოყალიბებისთვის აუცილებელ წინაპირობებზე.

ტრენინგის დასასრულს მოსწავლეებმა ჯგუფური სავარჯიშოების სახით წარადგინეს ის პროექტები, რომლების განხორციელებაც საკუთარ სოფლებში შესაძლებელია მოხალისეობრივ საწყისებზე. მათ შორის დაიგეგმა ეკოლოგიური მნიშვნელობის აქტივობები. აღსანიშნავია, რომ იუსტიციის სამინისტროს სსიპ „დანაშაულის პრევენციის ცენტრის" ახალგაზრდული პროგრამების მიზანია მოზარდებში  სამართლებრივი და სამოქალაქო ცნობიერების ამაღლება, მოხალისეობრივი კულტურის განვითარების ხელშეწყობა. ამ მიზნით სხვადასხვა ახალგაზრდული პროგრამა იუსტიციის სახლებსა და საზოგადოებრივ ცენტრებში მიმდინარეობს. 

საზოგადოებრივი ცენტრების განვითარება საქართველოში იუსტიციის სამინისტროს სახელმწიფო სერვისების განვითარების სააგენტოს ერთ-ერთი ინიციატივაა. საზოგადოებრივი ცენტრების მიზანია მოსახლეობისთვის სახელმწიფო სერვისებზე ხელმისაწვდომობის გაზრდა და სოფლის განვითარებისთვის შესაბამისი გარემოს შექმნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია