2016-04-05 20:09:22, 446 ნახვა
პოლიტიკა
პრეზიდენტი: სამთავრობო ცვლილებები დღევანდელ შეხვედრაზე არ განხილულა
„სამთავრობო ცვლილებები ან საკადრო თემები დღევანდელ შეხვედრაზე არ განხილულა“, - ამის შესახებ საქართველოს პრეზიდენტმა გიორგი მარგველაშვილმა ავლაბრის რეზიდენციაში გამართულ ბრიფინგზე განაცხადა.
როგორც პრეზიდენტმა აღნიშნა, მთავრობის ადმინისტრაციაში გამართულ შეხვედრაზე რეგიონში არსებული ვითარება განიხილეს.
„პრემიერ-მინისტრთან და აღმასრულებელი და საკანონმდებლო ხელისუფლების წარმომადგენლებთან მქონდა ნაყოფიერი შეხვედრა. ჩვენ მიმოვიხილეთ რეგიონში არსებული ვითარება და კოორდინირებული მუშაობა როგორც ქვეყნის შიგნით, ასევე ქვეყნის გარეთ საქართველოსა და რეგიონის სასიკეთოდ“, - განაცხადა გიორგი მარგველაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
