მოსკოვის რეგიონში ღამით განხორციელებული დრონის თავდასხმის შედეგად სამი ადამიანი დაიღუპა და ხუთი დაშავდა, განაცხადა რეგიონის გუბერნატორმა ანდრეი ვორობიოვმა Telegram-ზე.

RBC-ის ცნობით, ისტრას საქალაქო რაიონის სოფელ პიონერსკში სამი ადამიანი დაიღუპა და სამი დაშავდა. დრონის ჩამოვარდნის შემდეგ ხანძარი ხუთ კერძო სახლშიც გაჩნდა.

სოლნეჩნოგორსკში დრონი საცხოვრებელ კორპუსს შეეჯახა, რის შედეგადაც ორი ადამიანი დაშავდა და შენობის ფასადი და ფანჯრები დაზიანდა. ისტრას საქალაქო რაიონის სოფელ ბაბკინოში ორი კერძო სახლი დაზიანდა.

მოჟაისკში დრონის ჩამოვარდნის შედეგად საცხოვრებელი კორპუსის კარნიზი და ორი ფანჯარა დაზიანდა. წინასწარი ინფორმაციით, დაშავებულები არ არიან.

ანდრეი ვორობიოვის თქმით, საჰაერო თავდაცვის ძალებმა მოსკოვის რეგიონის თავზე ღამით 81 დრონი გაანადგურეს ან ჩაახშეს. დრონები 14 ურბანულ რაიონში ჩაჭრეს, მათ შორის ოდინცოვოში, ნარო-ფომინსკში, რუზაში, რამენსკოეში, მოჟაისკში, ვოლოკოლამსკში, ჩეხოვში, ოზიორში, ისტრაში, პოდოლსკში, სტუპინოში, დომოდედოვოში, სოლნეჩნოგორსკსა და კოლომნაში.

გუბერნატორმა აღნიშნა, რომ საგანგებო და ოპერატიული სამსახურები ადგილობრივად აგრძელებენ მუშაობას, ხოლო საჰაერო თავდაცვის ძალები თავდასხმების მოგერიებას.

მოსკოვის მერმა სერგეი სობიანინმა, თავის მხრივ, განაცხადა, რომ წინა საღამოდან მოსკოვის რეგიონის მიმართულებით 350-ზე მეტი დრონი გაუშვა. მან დასძინა, რომ მათი უმეტესობა გარეუბანში ჩაჭრეს, ხოლო კიდევ 50 დრონი მოსკოვთან მიახლოებისას განადგურდა.

ავტორი: ექსპრესნიუსი,

სოციალური ქსელები

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას

ირაკლი კირცხალია - გარე ინტერესებს არაერთი ადამიანი ემსახურება, ამის მაგალითია იმ ე.წ. კულტურის მოღვაწეების სია, მათ შორის არიან სუხიშვილები, ნიკოლოზ რაჭველი და პაატა ბურჭულაძე

სამართალდამცველებმა ქურდობის ბრალდებით უცხო ქვეყნის ორი მოქალაქე დააკავეს