მაიკლ ჯექსონის ბიოგრაფიულმა ფილმმა „მაიკლი“ მსოფლიო მასშტაბით 977 მილიონი დოლარის შემოსავალმა ყველა დროის ყველაზე მაღალშემოსავლიან ბიოგრაფიულ ფილმად აქცია.

ფილმმა 975 მილიონი დოლარით „ოპენჰაიმერის“ (2023) მიერ დამყარებულ რეკორდს გადააჭარბა. „მაიკლი“ ასევე ყველაზე მაღალშემოსავლიან მუსიკალურ ბიოგრაფიულ ფილმად იქცა, 911 მილიონი დოლარით გადაასწრო „ბოჰემურ რაფსოდიას“ (2018) და 370,2 მილიონი დოლარით.

გამოცემის ცნობით, 28 ივნისის საღამოსთვის ფილმმა აშშ-ს ფარგლებს გარეთ 607,2 მილიონი დოლარი, ხოლო აშშ-ში 370,2 მილიონი დოლარი გამოიმუშავა.

რეჟისორ ანტუან ფუკუას ფილმი მაიკლ ჯექსონის შემოქმედებით გზას ასახავს Jackson 5-ში მუშაობის პერიოდიდან „პოპის მეფის“ სტატუსამდე. მთავარ როლს მომღერლის ძმისშვილი, ჯააფარ ჯექსონი ასრულებდა, რომლის სამსახიობო დებიუტიც შედგა.

კრიტიკოსებმა აღნიშნეს, რომ ფილმში წარმოდგენილი იყო ჯექსონის ცხოვრების შერბილებული ვერსია, გამოტოვებული იყო ბავშვზე სექსუალური ძალადობის ბრალდებები, რომლებიც მომღერლის კარიერის შემდგომ პერიოდში წაუყენეს. რადგან ფილმში გამოტოვებულია მისი ცხოვრების ყველაზე საკამათო ეპიზოდები, Lionsgate-მა ხაზი გაუსვა ფილმის სანახაობრივ ელემენტებს თავის მარკეტინგში, მათ შორის კონცერტების და მუსიკალური ვიდეოების დეტალურ რეკონსტრუქციებს.

„მაიკლი“ ასევე გახდა Lionsgate-ის ისტორიაში ყველაზე შემოსავლიანი ფილმი, რომელმაც გადაასწრო „შიმშილის თამაშები: ცეცხლის ალში“ (2013) 865 მილიონი დოლარის კორექტირებული შემოსავალით. Variety-ის თანახმად, სტუდიამ შესაძლოა მაიკლ ჯექსონის ცხოვრებაზე კიდევ ერთი ფილმი გამოუშვას.

ავტორი: ექსპრესნიუსი,

სოციალური ქსელები

ფილმი „მაიკლი“ ყველა დროის ყველაზე მაღალშემოსავლიან ბიოგრაფიულ ფილმად იქცა

ჯანმო- ევროპაში უკიდურესი სიცხის გამო ერთ კვირაში 1300-ზე მეტი ადამიანი დაიღუპა

გვარამია: ხოშტარიას საკითხზე ველოდებით ადეკვატურ გადაწყვეტილებას, წინააღმდეგ შემთხვევაში საპასუხო რეაგირება გვექნება

ევროპულმა სასამართლომ 5 სამოქალაქო ორგანიზაციის დაყადაღების საქმეზე არსებითი განხილვა დაიწყო