"დიდი შვიდეულის" სამიტის ფარგლებში უკრაინის პრეზიდენტი ვოლოდიმირ ზელენსკი, თავდაცვის მინისტრ რუსტემ უმეროვთან ერთად, აშშ-ს პრეზიდენტ დონალდ ტრამპსა და სახელმწიფო მდივან მარკო რუბიოს შეხვდა. 

"ყოველთვის მნიშვნელოვანია პოზიციების კოორდინირება" – დაწერა ზელენსკიმ X-ზე და შეხვედრის ფოტოები გამოაქვეყნა.

გამოცემა Kyiv Independent-ის ცნობით, შეხვედრა, რომელიც ზელენსკისა და ტრამპს შორის ბოლო ოთხი თვის განმავლობაში პირველია, დაახლოებით 30 წუთს გაგრძელდა.

ზელენსკის თქმით, G7-ის პარტნიორებმა საჰაერო თავდაცვის კუთხით უკრაინის დახმარებაზე შეთანხმებას მიაღწიეს და დაამატა, რომ ჯგუფის ყველა წევრი უკრაინის თავდაცვის გაძლიერებაზე იმუშავებენ.

მან ასევე აღნიშნა, რომ საკითხი პირდაპირ ტრამპთანაც წამოაყენა და გამოთქვა იმედი, რომ უკრაინა ანტიბალისტიკური სისტემებისა და რაკეტების წარმოებისთვის ლიცენზიების მოპოვებას შეძლებს. 

"ჩვენ კარგი შეხვედრა გვქონდა. მე [ზელენსკის] დღეს გვიან შევხვდები." – განუცხადა ტრამპმა რეპორტიორებს და დაამატა, რომ რუსეთმა "შეთანხმება უნდა დადოს". 

უკრაინული მედიის მიხედვით, ქვეყნების ლიდერები ერთმანეთს G7-ის სესიის შემდეგაც შეხვდნენ.

ავტორი: ექსპრესნიუსი,

სოციალური ქსელები

ლიკლიკაძე - მძიმე წარსულზე ლაპარაკისას, ადამიანს შეიძლება ცდომილება მოუვიდეს

ბოლო ერთი თვის განმავლობაში, საარსებო შემწეობა კიდევ 7 235 საქართველოს მოქალაქეს შეუწყდა

ყაზახეთი განიხილავს ნავთობის ექსპორტის დამატებით მარშრუტებს, მათ შორის ბაქო-თბილისი-ჯეიჰანს

თურქეთის პარლამენტის წევრებმა ანკარას მოუწოდეს, აღიაროს აფხაზური პასპორტები