ირანის რევოლუციური გვარდიის კორპუსის (IRGC) საჰაერო ძალების მეთაურმა, სეიედ მაჯიდ მუსავიმ, გააფრთხილა, რომ ჰორმუზის სრუტეში საფრთხის შექმნა უპასუხოდ არ დარჩება.

„ჰორმუზის წმინდა სრუტეს სახიფათოს ხდით?! ჩვენ რეგიონს თქვენთვის ჯოჯოხეთად ვაქცევთ“, - ციტირებს ირანის საინფორმაციო სააგენტო Tasnim-ი მუსავის სიტყვებს.

მეთაურმა დასძინა, რომ ირანის ქმედებები იქნება პასუხი „ამერიკის თავხედობაზე რეგიონში“.

სააგენტო ასევე ციტირებს ანონიმურ წყაროს, რომელმაც ტრამპის ირანის „დაბომბვის“ მუქარის საპასუხოდ განაცხადა: „ამერიკის ყველა აგრესიას გადამწყვეტი სამხედრო პასუხი მოჰყვება და ჩვენ არ მოვითმენთ პოლიტიკურ შანტაჟს“.

ადრე აშშ-ის პრეზიდენტმა დონალდ ტრამპმა განაცხადა, რომ თუ ირანი ვაშინგტონთან შეთანხმებას ვერ მიაღწევს, ის კიდევ უფრო ძლიერ ამერიკულ დარტყმებს ემუქრება.

ხუთშაბათს ღამით აშშ-ის სამხედრო ძალებმა ისლამურ რესპუბლიკაზე კიდევ ერთი თავდასხმა განახორციელეს. CENTCOM-ის განცხადების თანახმად, დარტყმები განხორციელდა „თავდაცვის მიზნით“ და იყო „პასუხი ირანის გაუმართლებელ და მიმდინარე აგრესიაზე“.

ირანული მედიის ცნობით, ძლიერი აფეთქებები ქვეყნის ექვს რაიონში მოხდა.

ირანის შეიარაღებული ძალების ცენტრალურმა სარდლობამ და ისლამური რევოლუციის გუშაგთა კორპუსმა ჰორმუზის სრუტის ყველა სახის საზღვაო გადაზიდვისთვის დახურვის შესახებ განაცხადეს.

ავტორი: ექსპრესნიუსი,

სოციალური ქსელები

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.

ფილფანი- გამოძიება უნდა დაიწყოს ირაკლი კობახიძის და ყველა იმ მაღალჩინოსანი პირის მიმართაც, რომელიც საქართველოს ადანაშაულებს

Volvo 365 – ერთი წელი ავტომობილის ფლობასთან დაკავშირებული ძირითადი ხარჯების გარეშე

სეპარატისტული რეჟიმი: თურქეთში აფხაზური პასპორტების აღიარების საკითხზე დისკუსია მიმდინარეობს