აჭარის ავტონომიური რესპუბლიკის დასაქმების სააგენტოს საქართველოს ეროვნული შრომის ბაზრის პოლიტიკაში ინტეგრაციის მიზნით, ოთხმხრივი მემორანდუმი გაფორმდა საქართველოს შრომის, ჯანმრთელობისა და სოციალური დაცვის სამინისტროს, სსიპ სოციალური მომსახურების სააგენტოს, აჭარის ავტონომიური რესპუბლიკის ჯანმრთელობისა და სოციალური დაცვის სამინისტროსა და სსიპ აჭარის ავტონომიური რესპუბლიკის დასაქმების სააგენტოს შორის.

აჭარის ჯანდაცვის სამინისტროს ინფორმაციით, მემორანდუმის თანახმად, მხარეები იზრუნებენ თანამშრომლობისა და კოორდინაციის განვითარებაზე, სახელმწიფოს წინაშე არსებულ სოციალურ-ეკონომიკური გამოწვევების ერთობლივი ძალისხმევით დაძლევაზე.

ჯანდაცვის სამინისტროსთან კოორდინაციით სოციალური მომსახურების სააგენტო - უზრუნველყოფს აჭარის დასაქმების სააგენტოს ჩართვას შრომის ბაზრის საინფორმაციო სისტემაში (LMIS); უზრუნველყოფს კავშირს Worknet.Ge-სა და აჭარის დასაქმების სააგენტოს შესაბამის მონაცემთა ბაზას შორის; აჭარის დასაქმების სააგენტოს ჩართავს საერთაშორისო ქსელში, ტექნიკურ დახმარებასა და სხვა მსგავს საქმიანობაში.

აჭარის დასაქმების სააგენტო თავისი მხრივ სამუშაოს მაძიებლებს დასაქმების კომპლექსურ მომსახურებას შესთავაზებს; სოციალური მომსახურების სააგენტოს ინფორმაციას მიაწვდის დასაქმების სტატისტიკის შესახებ. აქტიურად მიიღებს მონაწილეობას ტრენინგებსა და კვალიფიკაციის ამაღლებაზე მიმართულ საქმიანობაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას