2026-05-08 20:06:58, 9245 ნახვა
სხვადასხვა
ჯანმო: ჰანტავირუსის აფეთქება პანდემიის დასაწყისი არ არის
ჯანდაცვის მსოფლიო ორგანიზაციამ (ჯანმო) კომენტარი გააკეთა ატლანტის ოკეანეში საკრუიზო გემზე აღმოჩენილ იშვიათი „ანდების“ ჰანტავირუსის შემთხვევებთან დაკავშირებით. ორგანიზაციამ განაცხადა, რომ მსოფლიოსთვის რისკი დაბალი რჩება და ამჟამინდელი სიტუაცია ახალი პანდემიის დაწყებას არ უკავშირდება.
ჯანმო-ს მონაცემებით, რვა შემთხვევა დაფიქსირდა, რომელთაგან სამი ფატალური აღმოჩნდა. ვირუსი შეიძლება ადამიანიდან ადამიანზე გადავიდეს, მაგრამ მხოლოდ ახლო და ხანგრძლივი კონტაქტით - მაგალითად, ოჯახში ან ინფიცირებულ პირზე ზრუნვისას. ინკუბაციის პერიოდი შეიძლება ექვს კვირამდე გაგრძელდეს, ამიტომ ექსპერტები ახალი შემთხვევების შესაძლებლობას არ გამორიცხავენ.
ავტორი: ექსპრესნიუსი,
epn.ge (@expressnews.ge)
