უნგრეთის პრემიერმინისტრ ვიქტორ ორბანს ქალაქ გიორში საარჩევნო კამპანიის დროს საპროტესტო შეძახილებითა და სტვენით დახვდნენ, რის საპასუხოდაც ორბანმა პროტესტის მონაწილეები უნგრეთის გვერდში დგომის ნაცვლად "უკრაინის ურმის თრევაში" დაადანაშაულა.

"თქვენ უკრაინის ურემს ათრევთ იმის ნაცვლად, რომ უნგრელების გვერდით იდგეთ. გსურთ პროუკრაინული მთავრობა და გინდათ, რომ უნგრეთის ფული უკრაინაში წავიდეს" - მიმართა ორბანმა ადგილზე შეკრებილ მოწინააღმდეგეებს.

პოლონეთის საგარეო საქმეთა მინისტრმა, რადოსლავ შიკორსკიმ აღნიშნული ინცინდენტის ამსახველი ვიდეო სოციალურ ქსელში გააზიარა და დაწერა, რომ "სინამდვილეში, ვიქტორ ორბანს სურს გააგრძელოს რუსული ნავთობის შეძენა და ამით უნგრეთის ფული მოსკოვში გაგზავნოს".

ცნობისთვის, უნგრეთში საპარლამენტო არჩევნები 12 აპრილს ჩატარდება. წინასწარი გამოკითხვებით, ვიქტორ ორბანის პარტია Fidesz არჩევნებში ვერ იმარჯვებს.

ავტორი: ექსპრესნიუსი,

სოციალური ქსელები

ვიღებთ სრულ პასუხისმგებლობას ანტიდოპინგური პროცესის გაუმჯობესებაზე – რაგბის კავშირი

პუტინმა განაცხდა უკვე მეშვიდედ, რომ რაკეტა სარმატა გამოსცადა

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს