კახა კინწურაშვილმა, ეკა დემეტრაძემ, გივიკო ბარათაშვილმა და ნანკა კალატოზიშვილმა ვასო აბაშიძის სახელობის თეატრი დატოვეს.

მსახიობებმა ამ გადაწყვეტილების შესახებ სოციალურ ქსელში დაწერეს.

"დღეიდან აღარ ვარ ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის მსახიობი.

დიდი მადლობა ყველას ვისთან ერთადაც სცენაზე ვმდგარვარ." - ვკითხულობთ მსახიობების იდენტურ განცხადებებში.

ცნობისთვის, 20 თებერვალს, აბაშიძის თეატრის ფასადიდან ჩამოხსნეს რეჟიმის პატიმრობაში მყოფი მსახიობის ანდრო ჭიჭინაძის ბანერი.

მსახიობების გადაწყვეტილება თეატრის ფასადიდან სინდისის პატიმრის ანდრო ჭიჭინაძის ბანერის ჩამოხსნას უკავშირდება.

19 თებერვალს სამთავრობო ტელეკომპანია რუსთავი 2-ის მუსიკალური პროექტის გადაღებებისთვის ანდრო ჭიჭინაძის ბანერი ჩამოხსნეს თეატრის ფასადის ცენტრიდან, სადაც ის წელიწადზე მეტ ხანს იყო გადმოფენილი.

აღნიშნული გადაწყვეტილება გააპროტესტეს მსახიობის კოლეგებმა, თავდაპირველად ბანერი ჯერ ხელით ეკავათ, შემდეგ ტელეკომპანიის პროექტი ბანერის გვერდით გადმოფინეს, თუმცა, მეორე დღეს ბანერი მაინც ჩამოხსნეს.

აქციების დროს დაკავებულ ანდრო ჭიჭინაძეს ივანიშვილის რეჟიმმა 2 წლით პატიმრობა მიუსაჯა

ავტორი: ექსპრესნიუსი,

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას