ჩოხატაურის საკრებულოს ყოფილი თავმჯდომარის, დავით შარაშიძის საქმის პროკურორი ადასტურებს, რომ მასა და პოლიციელ გოგა ჯინჭარაძეს შორის დაპირისპირება ქურდული სამყაროს მხარდაჭერის გამო დაიწყო.

“ჩატარებული გამოძიებით არის დადგენილი, რომ 27 იანვარს, ერთ-ერთი რესტორნის ტერიტორიაზე, ბრალდებულს და მასთან თანმხლებ ორ პირს მოუვიდათ ურთიერთშელაპარაკება დაზარალებულთან. ამის გაგრძელება – მოხდა უკვე ფიზიკური ძალადობა. თუმცა, აღნიშნული ძალადობა არ იყო დაკავშირებული მის სამსახურებრივ მოვალეობასთან. ეს იყო ურთიერთშელაპარაკება, რომელიც შემდგომში გადაიზარდა ფიზიკურ დაპირისპირებაში. არანაირად არ იკვეთება, რომ სამსახურებრივ მოვალეობას ასრულებდა დაზარალებული, ან ეს ძალადობა დაკავშირებული იყო მის სამსახურებრივ მოვალეობასთან […]

ბრალდებულს [დავით შარაშიძეს] თან ახლდა ორი პირი. ამ ორი პირიდან ერთ-ერთი ესაუბრებოდა დაზარალებულს. ამ საუბარში, მან გამოხატა მხარდაჭერა ქურდული სამყაროს მიმართ. ამის შემდეგ, აღნიშნულმა პირმა შეურაცხყოფა მიაყენა დაზარალებულს, ასევე, შეურაცხყოფა მიაყენა სამართალდამცავ ორგანოს და შემდგომ უკვე ფიზიკურ დაპირისპირებაში გადაიზარდა ეს ყველაფერი”, – უთხრა პროკურორმა ელგუჯა ადეიშვილმა TV პირველის ჟურნალისტს, ნატო გოგელიას.

პროკურორის ინფორმაციით, შარაშიძის თანმხლებ ორ პირს ამ დროისთვის ეძებენ. გარდა ამისა, ელგუჯა ადეიშვილმა განაცხადა, რომ შარაშიძისთვის შეფარდებულ საპატიმრო გირაოს ის სააპელაციო სასამართლოში გაასაჩივრებს. სახელმწიფო ბრალდება ჩოხატაურის საკრებულოს ყოფილ თავმჯდომარისთვის პატიმრობის შეფარდებას მოითხოვს.

ავტორი: ექსპრესნიუსი,

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება