სამხედრო წვრთნების ფარგლებში, ჩინეთმა ტაივანის მიმართულებით რაკეტები გაუშვა. ინფორმაციას ამის შესახებ „როიტერი“ ავრცელებს.

როგორც მედია წერს, ჩინეთის სამხედრო წვრთნები ბოლო პერიოდის განმავლობაში ყველაზე მასშტაბურია. წვრთნების მეორე დღეს ჩინეთმა ბომბდამშენებთან და სამხედრო გემებთან ერთად, ახალი უნივერსალური სადესანტო ხომალდები განალაგა.

მედიის ცნობით, ჩინეთმა წვრთნები ტაივანის გარშემო 5 ზონაში ჩაატარა.

„როიტერის“ ინფორმაციით, „სამართლიანობის მისია 2025“-ის სახელით ცნობილი წვრთნები აშშ-ის მიერ ტაივანისთვის რეკორდული 11.1 მილიარდი დოლარის იარაღის პაკეტის გამოცხადებიდან 11 დღის შემდეგ დაიწყო.

ტაივანის პრეზიდენტმა, ლაი ჩინ ტემ სოციალურ ქსელში გამოქვეყნებულ პოსტში განაცხადა, რომ ჩინეთის წვრთნები „არ შეესაბამება პასუხისმგებლიანი დიდი სახელმწიფოსგან მოსალოდნელ ქცევას“. მისი თქმით, ტაიბეი სიტუაციის ესკალაციას არ ცდილობს.

ავტორი: ექსპრესნიუსი,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო