სომხეთის საგარეო საქმეთა სამინისტრო პრემიერ-მინისტრ ნიკოლ ფაშინიანსა და აზერბაიჯანის პრეზიდენტ ილჰამ ალიევს შორის შეხვედრის დეტალებს აქვეყნებს.

მათივე ცნობით, მხარეები შეთანხმდნენ ორმხრივი მოლაპარაკებების გაგრძელებაზე და ორ ქვეყანას შორის ნდობის განმტკიცების ზომების მიღებაზე.

„2025 წლის 10 ივლისს, სომხეთის რესპუბლიკის პრემიერ-მინისტრი და აზერბაიჯანის რესპუბლიკის პრეზიდენტი შეხვდნენ აბუ დაბიში (არაბთა გაერთიანებული საამიროები) და განიხილეს სომხეთსა და აზერბაიჯანს შორის სახელმწიფოთაშორისი ურთიერთობების ნორმალიზების დღის წესრიგის სხვადასხვა ასპექტი.“

დადასტურდა, რომ ორმხრივი მოლაპარაკებები წარმოადგენს ნორმალიზაციის პროცესთან დაკავშირებული ყველა საკითხის განსახილველად ყველაზე ეფექტურ ფორმატს და ამის საფუძველზე გადაწყდა ასეთი შედეგზე ორიენტირებული დიალოგის გაგრძელება.

„სომხეთის რესპუბლიკის პრემიერ-მინისტრმა და აზერბაიჯანის რესპუბლიკის პრეზიდენტმა მადლობა გადაუხადეს არაბთა გაერთიანებული საამიროების პრეზიდენტს, შეიხ მოჰამედ ბინ ზაიდ ალ ნაჰიანს თბილი სტუმართმოყვარეობისა და ორმხრივი შეხვედრის ორგანიზებისთვის“, - ნათქვამია სამინისტროს განცხადებაში.

ავტორი: ექსპრესნიუსი,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა