ქართული ოცნების კანონპროექტით, საქართველოში არალეგალური მიგრაციის გამოვლენის მიზნით, შსს-ს უცხოელის საცხოვრებელი და სამუშაო ადგილის შემოწმების, ან სხვაგვარ კერძო საკუთრებაში შესვლის უფლებაც ექნება.

შესაბამისი ცვლილებები "უცხოელთა და მოქალაქეობის არმქონე პირთა სამართლებრივი მდგომარეობის შესახებ" კანონში შედის. კანონპროექტს ივანიშვილის პარლამენტი დაჩქარებული წესით განიხილავს. მას 1-ელი მოსმენით მხარი იურიდიულ საკითხთა კომიტეტზე უკვე დაუჭირეს.

ოცნების ინიციატივით, კანონს შემდეგი პუნქტები ემატება:

• საქართველოში კანონიერი საფუძვლის გარეშე მყოფი უცხოელის გამოვლენის ან/და უცხოელის საცხოვრებელი ადგილის გადამოწმების ან უცხოელის სამგზავრო დოკუმენტის მოძიების მიზნით, შსს-ს უფლებამოსილი ორგანო უფლებამოსილია, შეამოწმოს უცხოელის საცხოვრებელი ან სამუშაო ადგილი ან შევიდეს სხვაგვარ კერძო საკუთრებაში/მფლობელობაში რაიონული (საქალაქო) სასამართლოს მოსამართლის ბრძანების საფუძველზე. კერძო საკუთრების თანამესაკუთრის ან თანამფლობელის ან სამუშაო ადგილის დამსაქმებლის თანხმობა საკმარისია შემოწმების მოსამართლის ბრძანების გარეშე ჩასატარებლად
• იმ შემთხვევაში, როცა არსებობს გადაუდებელი აუცილებლობა და დაყოვნებამ შეიძლება გამოიწვიოს უცხოელის მიმალვა ან უცხოელის სამგზავრო დოკუმენტის განადგურება ან გადამალვა, შსს-ს უფლებამოსილი ორგანო უფლებამოსილია დაიწყოს საცხოვრებელი ან სამუშაო ადგილის ან სხვა კერძო საკუთრების/მფლობელობის შემოწმება და 24 საათის განმავლობაში შესაბამისი შუამდგომლობით მიმართოს მოსამართლეს. შუამდგომლობის წარდგენისას შსს-ს უფლებამოსილმა ორგანომ უნდა დაასაბუთოს, თუ რაში მდგომარეობდა შემოწმების გადაუდებელი აუცილებლობა

ასევე, კანონპროექტით, უცხოელის საცხოვრებელი ან სამუშაო ადგილის შემოწმების დროს, შსს-ს წარმომადგენელს პირის გამოკითხვა, იდენტიფიკაცია, ზედაპირული შემოწმება და დათვალიერებაც შეეძლება.

სამუშაო ადგილის შემოწმების დროს, შსს-ს უფლება ექნება, დამსაქმებელს იმ დოკუმენტის დათვალიერება მოსთხოვოს, რომელიც უცხოელის საქართველოში მუშაობის კანონიერ საფუძველს ადასტურებს.

ავტორი: ექსპრესნიუსი,

სოციალური ქსელები

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია

ორწლიანი პაუზის შემდეგ თელ-ავივში მასშტაბური გეი აღლუმი გაიმართა

ხოშტარია: ვმუშაობდი და გავაგრძელებ მუშაობას „მოღალატე რუსების“ წინააღმდეგ სანქციებზე