იმუნიტეტი რაიმე ღვთიური აბჯარი არ არის, ჩვეულებრივი უმრავლესობით მისი მოხსნაც შეუძლია პარლამენტს - „შატალოზე“ არიან რეალურად მთელი ამ პერიოდის განმავლობაში, რა თქმა უნდა, მანდატებს დაკარგავენ, - ამის შესახებ პარლამენტის თავმჯდომარემ, შალვა პაპუაშვილმა ჟურნალისტებთან გიორგი გახარიასთვის საპარლამენტო მანდატებისა და იმუნიტეტის შეჩერების საკითხზე საუბრისას განაცხადა.

მისი თქმით, „როდესაც ხალხის მიერ არჩეულ ადამიანები „შატალოზე“ არიან რეალურად მთელი ამ პერიოდის განმავლობაში, რა თქმა უნდა, მანდატებს დაკარგავენ.“

„იმუნიტეტი რაიმე ღვთიური აბჯარი არ არის, ჩვეულებრივი უმრავლესობით მისი მოხსნაც შეუძლია პარლამენტს. ასე რომ, აქაც პრობლემა არ იქნება და არც იქნებოდა არასდროს თუკი პარლამენტის წევრი ჩადის დანაშაულს და პროკურატურას შესაბამისი მტკიცებულებები და შუამდგომლობა აქვს, სხვა დროსაც მოგვიხსნია იმუნიტეტი - მათ შორის, გიორგი გახარიას დაჟინებული მოთხოვნით მოვუხსენით ნიკა მელიას იმუნიტეტი. ასე რომ, იმუნიტეტი დამნაშავეებს არ იცავს.

რაც შეეხება მანდატებს - ეს მანდატები მათ თავად გაიუქმეს. პარლამენტი გადაწყვეტილებას მანდატების შეჩერებასთან დაკავშირებით მიიღებს. როდესაც ხალხის მიერ არჩეულ ადამიანები და მათ ჰქონდათ თავისი მხარდაჭერა 2024 წლის არჩევნებზე, ღალატობს თავის ამომრჩეველს, „შატალოზე“ არიან რეალურად მთელი ამ პერიოდის განმავლობაში, რა თქმა უნდა მანდატებს დაკარგავენ“, - განაცხადა პაპუაშვილმა.

პარლამენტის თავმჯდომარემ ასევე ისაუბრა გახარიაზე და აღნიშნა, რომ „ეს ადამიანი თვალის დაპაჭუნებაში გაქრა“.

„რაც შეეხება მის საგამოძიებო კომისიისგან დამალვას და ასევე მოულოდნელ ქვეყნიდან გასვლას, რაზეც ვხედავთ, რომ მისი თანაპარტიელებიც ვერ სცემენ პასუხს თუ როდის დაბრუნდება. პირველად გავიგე ადამიანი დაგეგმილ შეხვედრებზე მიდიოდეს და ცალი მხარის ბილეთი ჰქონდეს ნაყიდი და უკან დასაბრუნებელი ბილეთი არა. ეს ხომ აბსურდია? მის შემთხვევაში შეიძლება ითქვას, რომ თვალის დაპაჭუნებაში გაქრა ეს ადამიანი და ვნახოთ.

გამოჩნდა, რომ როგორ სახედაც მის მიმდევრებს უნდოდათ, რომ დაეხატათ - მამაცი, გამბედავი ადამიანისა - აღმოჩნდა ადამიანი, რომელიც ჩვეულებრივად იპარება, როცა ფიქრობს, რომ რაღაც გამოწვევები შეიძლება არსებობდეს. არ ვიცი, რისი შეეშინდა, მაგრამ როგორც 2021 წელს შეეშინდა და „ქართული ოცნებიდან“ გაიპარა, როგორც ჩანს, ახლაც რაღაცის შეეშინდა და გაიპარა საკუთარი პარტიიდან. არაფერი საშიში არ არის, საგამოძიებო კომისიაზე იმყოფებოდა, ჩვეულებრივი გარემო იყო. არ ვიცი, რა პრობლემა იყო, რომ კვლავ მისულიყო და შესაბამისი განმარტებები მიეცა. რადგან ასეთი შიში აქვს დისტანციურ ჩართვაზეც დათანხმდა კომისია და ხვალ მოვისმენთ“, - განაცხადა პაპუაშვილმა.

ავტორი: ექსპრესნიუსი,

სოციალური ქსელები

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია

ორწლიანი პაუზის შემდეგ თელ-ავივში მასშტაბური გეი აღლუმი გაიმართა

ხოშტარია: ვმუშაობდი და გავაგრძელებ მუშაობას „მოღალატე რუსების“ წინააღმდეგ სანქციებზე