2025 წლის პირველ ნახევარში საქართველოში პოლიტიკური შემოწირულობების სახით სულ 5,661,545 ლარი გაიცა. ამ თანხიდან ყველაზე მეტი - 4,876,170 ლარი ქართულ ოცნებას შესწირეს, რაც მთლიანი პოლიტიკური დონაციების 86%-ია. სახელისუფლებო პარტიისთვის შემოწირულების განმახორციელებელთა შორის სხვადასხვა ბიზნესებთან დაკავშირებული პირები არიან, რომლებმაც "ოცნების" საარჩევნო ყულაბა 60,000-60,000 ლარებით შეავსეს.

პოლიტიკური შემოწირულობების პორტალის თანახმად, 12,000 ლარი შესწირა ქართულ ოცნებას კახა კალაძემ, 10,000 ლარის შემოწირულობა განახორციელა ირაკლი ღარიბაშვილის სიმამრმა თამაზ თამაზაშვილმა, პარტიაში პოლიტიკური შემოწირულობა განახორციელა ქართუ ბანკის სამეთვალყურეო საბჭოს თავმჯდომარემ ნატო ხაინდრავამ, რომელმაც 60,000 ლარი გადარიცხა.

ასევე პოლიტიკური შემოწირულობა განახორციელა "ქართუ ბანკის" დირექტორთა საბჭოს სამმა წევრმა - გენერალური დირექტორის მოადგილემ გივი ლებანიძემ 60,000 ლარი გადარიცხა, გენერალური დირექტორის მოადგილემ ზურაბ გოგუამ 55,000 ლარი გადარიცხა, ასევე 55,000 ლარი გადარიცხა დირექტორის მოადგილემ ბექა კვარაცხელიამ, ასევე 40,000 ლარის შემოწირულობა განახორციელა ქართუ ჯგუფის დირექტორთა საბჭოს წევრმა გოჩა ჩიკვილაძემ.

ქართული ოცნების სასარგებლოდ 60,000 ლარი გადარიცხა ალკოჰოლური სასმელების ჯგუფის, "ბოლეროს" დირექტორმა ირაკლი ბექაურმა, RMG Copper-ის ყოფილმა დირექტორმა დავით ბალანჩივაძემ ასევე 60,000 ლარი გადარიცხა, ასევე 40,000 ლარის შემოწირულობა განახორციელა კომპანია "მანგანუმ ლოჯისტიკის" დირექტორმა ევგენი ჯიხვაძემ, ასევე 40,000 ლარი შესწირა ქართულ ოცნებას მანგანუმით მოვაჭრე კომპანია "მნ თრეიდინგის" ფინანსურმა დირექტორმა ილია ფრიდონაშვილმა, 20,000 ლარის შემოწირულობა განახორციელა კომპანია "ტორნადო+"-ის დირექტორმა გიორგი ბებიამ, აღნიშნულ კომპანიაში 40%-ის წილს ალექსანდრე ივანიშვილი ფლობს, ამავე კომპანიის მიერ დაფუძნებული კიდევ ერთი კომპანიის "ჯი ემ თი ჯგუფის" დირექტორმა გოგი კახიძემ კი ოცნებას 40,000 ლარი შესწირა. კომპანია იბეროილის 40%-ის მფლობელმა სიმონ გეგელაშვილმა ოცნებას 40,000 ლარი შესწირა, ამავე კომპანიის 30%-ის მფლობელმა გოჩა ჩოკოშვილმა ოცნებას 50,000 გადაურიცხა, იბეროილის 20%-იანი წილის მფლობელმა ირაკლი პეტრიაშვილმა 20,000 ლარის შემოწირულობა განახორციელა, ასევე 20,000 ლარი გადარიცხა იბეროილის 20%-ის მფლობელმა დავით ალიბეგაშვილმა.

წელს სულ პოლიტიკური შემოწირულობა 281-მა პირმა განახორციელა, მათგან ქართულ ოცნებას 151-მა პირმა შესწირა თანხა. შემოწირულობებით მეორე პოზიციას იკავებს ძლიერი საქართველო - "ლელო, ხალხისთვის, თავისუფლებისთვის!" - რომელსაც 320,125 ლარი გადაურიცხეს, ხოლო მესამე ადგილზე მყოფმა "კოალიცია ცვლილებისთვის გვარამია მელია გირჩი დროამ" შემოწირულობების სახით 153,137 ლარი მიიღეს.

2025 წლის პირველ ნახევარში პარტიების მიერ მიღებული შემოწირულობები ასე ნაწილდება:

წყარო: ბიემჯი
 

ავტორი: ექსპრესნიუსი,

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო