საქართველოს იუსტიციის სამინისტროს სსიპ - „დანაშაულის პრევენციის ცენტრი“ 14-დან 18 წლამდე მოზარდებისათვის იწყებს ახალ პროექტს „ფსიქოლოგიური კლუბი“.

პროექტის მონაწილეებთან პირველი შეხვედრა შეფასებისა და გამოცდების ეროვნულ ცენტრში გაიმართება, რომელსაც ცენტრის დირექტორი მაია მიმინოშვილი და ფსიქოლოგი ია კუტალაძე გაუძღვებიან. შეხვედრის თემა პროფესიულ არჩევანსა და მის მნიშვნელობას დაეთმობა.

მაია მიმინოშვილი აბიტურიენტებს გააცნობს შეფასებისა და გამოცდების ეროვნულ ცენტრში მიმდინარე სიახლეებს; ასევე, საგანმანათლებლო პროგრამებისა და უმაღლესი სასწავლებლების ჩამონათვალის შედგენის პროცესის მიმდინარეობასა და სტატისტიკას, თუ რომელი   სპეციალობებია მოთხოვნადი საქართველოში. ია კუტალაძე  კი მოზარდებს გააცნობს პროფესიული გადაწყვეტილების მიღების პროცესს და იმ ფაქტორებს, რომლებიც მნიშვნელოვანია მომავალი პროფესიული არჩევანისათვის. შეხვედრას დაესწრებიან ცენტრის სხვა თანამშრომლებიც, რათა მოსწავლეებმა საინტერესო კითხვებზე ამომწურავი პასუხები მიიღონ.

პროექტ „ფსიქოლოგიური კლუბის“ მიზანია ახალგაზრდებში ფსიქოლოგიური ასპექტების განხილვის გზით სამართლებრივი ცნობიერების ამაღლება და სწორი პროფესიული არჩევნის გაკეთება. იუსტიციის სამინისტროს სსიპ - „დანაშაულის პრევენციის ცენტრის“ ერთ-ერთი მიმართულებაა ახალგაზრდებში სამართლებრივი და სამოქალაქო ცნობიერების ამაღლება, მოხალისეობრივი კულტურის განვითარების ხელშეწყობა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია

სატვირთოს მძღოლი, რომელიც რკინის კონსტრუქციებში მოყვა, დაიღუპა

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები