ხვალ, 16 მაისს, ბათუმში ქართველი ჟურნალისტის, მზია ამაღლობელის სასამართლო პროცესი გაიმართება.

მისი საქმის დასაკვირვებლად საქართველოში ჩამოდის ევროპარლამენტარი ლენა შილინგი, რომელიც განცხადებას ავრცელებს:

 „მზიას ასამართლებენ იმიტომ, რომ კრიტიკული ჟურნალისტია.მას ასამართლებენ იმიტომ, რომ უარს ამბობს სიჩუმეზე - უსამართლობის წინაშე. ამიტომ ვიქნები ბათუმში — რომ დავუდგე მხარში მას და ყველას, ვინც საქართველოში თავისუფლებისთვის იბრძვის.

როგორც ევროპარლამენტარი, ვაცხადებ: 

საქართველო ეკუთვნის ევროპას, მაგრამ ამჟამინდელი რეჟიმის პირობებში, რომელიც თელავს ადამიანის უფლებებსა და პრესის თავისუფლებას, მას ადგილი არ აქვს ევროკავშირში.

როდესაც ჟურნალისტებს ადუმებენ — დემოკრატია თავად დგება საფრთხის წინაშე.“

მზია ამაღლობელი, რომელიც პირველ ჟურნალისტ ქალ პოლიტპატიმრად არის მიჩნეული, 11 იანვრიდან დაკავებულია. მისი პატიმრობა პოლიტიკურად მოტივირებულად და უკანონოდ შეფასდა ევროკავშირის, მისი წევრი ქვეყნების უმრავლესობის, საერთაშორისო უფლებადამცველებისა და პრესის თავისუფლებაზე მომუშავე ორგანიზაციების მიერ, ისევე როგორც საქართველოს შიგნით მოქმედი მრავალფეროვანი პროდემოკრატიული ჯგუფების მხრიდან.

 გასულ კვირას, ამაღლობელმა სასამართლოში უჩივლა „ქართული ოცნების“ ლიდერებს — ირაკლი კობახიძეს, მამუკა მდინარაძესა და სოზარ სუბარს.

 7 მაისს თბილისის საქალაქო სასამართლოს სამოქალაქო საქმეთა კოლეგიას მიმართა სარჩელით და მოითხოვა ამ პოლიტიკური ლიდერების მხრიდან მის შესახებ გაკეთებული განცხადებების ცილისწამებად მიჩნევა და მათი უარყოფა იმავე მედიასაშუალებებით.

ავტორი: ექსპრესნიუსი,

სოციალური ქსელები

სააკაშვილი: ჩვენ გვჭირდება ადამიანები სტრატეგიული ხედვითა და დიდი გამბედაობით

გარდაბანში ავარიის შედეგად 8 ადამიანიდან 7 ადგილზე დაიღუპა, ერთი კრიტიკულ მადგომარეობაშია - ვიდეო

15-16 მაისს მოსალოდნელია დროგამოშვებით ნალექი - სააგენტოს გაფრთხილება

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას