მზია ამაღლობელის ადვოკატმა, მაია მწარიაშვილმა დაკავებული ჟურნალისტის შესახებ ივანიშვილის პრემიერის, ირაკლი კობახიძის განცხადებებს უპასუხა, რომელიც მან 16 აპრილს, რუსთავი 2-ის ეთერში გააკეთა.

"ირაკლი კობახიძემ საჯაროდ და დაუფარავად აჩვენა, თუ სად პოზიციონირებს ამ კონკრეტული ბრალდების საქმეში - ის მზია ამაღლობელის წინააღმდეგ პოზიციონირებს და ნებისმიერ ფასად სურს, მზია პატიმრობაში იხილოს. კობახიძის განცხადება მზია ამაღლობელის უდანაშაულობის პრეზუმფციის უფლების აშკარა და უხეში დარღვევა იყო. ამ უფლების პატივისცემა არათუ ხელისუფლების უმაღლესი თანამდებობის პირებს, არამედ თავად მოსამართლესა და პროკურორსაც ევალებათ [...] კობახიძის კომენტარები ემსახურებოდა არა მხოლოდ მზია ამაღლობელის უფლებების დარღვევას, არამედ, მის მიმართ ნეგატიური საზოგადოებრივი განწყობების შექმნასაც [...]

კობახიძემ თქვა, რომ მზიამ პოლიციელს შეურაცხყოფა მიაყენა. მინდა, მას ვუთხრა, რომ შეურაცხყოფა სისხლის სამართლის კოდექსით დასჯადი ქმედება არაა. შესაბამისად, ასეთ პირობებში, მისი ბრალდება და პატიმრობა უკანონოა. აგრეთვე, კობახიძის თქმით, მზიას ამოცანა პოლიციელის ღირსების შელახვა იყო. არც პატივი და ღირსებაა სისხლის სამართლის კოდექსით დაცული ობიექტი. პატივისა და ღირსების დაცვა სამოქალაქო სამართალწარმოებით ხდება". - თქვა მწარიაშვილმა.

ამაღლობელის ადვოკატის თქმით, კობახიძემ ასევე იცრუა, რომ თითქოს, მზია ვიღაცის დავალებითა და შეკვეთით მოქმედებდა. მწარიაშვილი ამბობს, რომ ამის შესახებ ბრალდების ფორმულირებაშიც კი არაფერი წერია.

ივანიშვილის პრემიერმა, ირაკლი კობახიძემ 16 აპრილს, რუსთავი 2-ის ეთერში თქვა, რომ მზია ამაღლობელის დავალება პოლიციის დაკნინება და ღირსების შეურაცხყოფა იყო. 

ცნობისთვის, მზია ამაღლობელი ბათუმის პოლიციის უფროსის, ირაკლი დგებუაძეზე თავდასხმის ბრალდებით 11 იანვარს დააკავეს. 14 იანვარს ბათუმის საქალაქო სასამართლოს მოსამართლემ, ნინო სახელაშვილმა პროკურატურის შუამდგომლობა დააკმაყოფილა და მას აღკვეთის ღონისძიების სახით პატიმრობა შეუფარდა.

ჟურნალისტისთვის აღკვეთის ღონისძიების შეცვლის თაობაზე ადვოკატების შუამდგომლობა, ბათუმის საქალაქო სასამართლოს მოსამართლემ, ლევან ყოლბაიამ დაუშვებლად ცნო. 19 თებერვალს კი ქუთაისის სააპელაციომ არ დააკმაყოფილა ადვოკატების შუამდგომლობა პატიმრობის გაუქმების შესახებ.

საქართველოს ახალგაზრდა იურისტთა ასოციაციის თავმჯდომარის, ნონა ქურდოვანიძის განცხადებით, სასამართლომ გაყალბებული ოქმი გამოიყენა პატიმრობის გასამართლებლად.

მზია ამაღლობელი 38 დღე შიმშილობდა. 18 თებერვალს ცნობილი გახდა, რომ ჟურნალისტი ექიმების დახმარებით კვებას აღადგენდა.

ავტორი: ექსპრესნიუსი,

სოციალური ქსელები

თალიბანის პოლიციამ ცეცხლი გაუხსნა „ჰიჯაბის არასათანადო “ ტარების გამო ქალების დაპატიმრების წინააღმდეგ გამართული საპროტესტო აქციას

Axios-ის ცნობით, ირანმა თავს დაესხა აშშ-ის ბაზებს ბაჰრეინში, ქუვეითსა და იორდანიაში.

აშშმ ირანი დაბომბა, თიერანმა ბაზების დაბომბვით უპასუხა

უკრაინაში რუსული არმია დღეში 300 ადამიანს კარგავს