2016-03-14 13:15:25, 391 ნახვა
პოლიტიკა
"მაესტროში" მამუკა ღლონტი აპირებს მისვლას
"მაესტროში" დღეს მამუკა ღლონტს ელოდებიან. კომპანიის ერთ-ერთი დამფუძნებელი სხვა კოლეგებთან ერთად საერთო შეკრებაზე მაუწყებლობის გაგრძელების საკითხებზე იმსჯელებს.
ცნობისთვის, მხარეები უნდა შეთანხმდნენ სხვა იურიდიული პირის სტატუსით, თუმცა იმავე სახელითა და ლოგოთი, საქმიანობის გაგრძელებაზე. მაესტროში ბაია გადაბაძე და ტელეკომპანია "მაესტროს" დამფუძნებელი ბაჩო კიკაბიძე უკვე მივიდნენ.
ისინი აცხადებენ, რომ მამუკა ღლონტი მათ დაპირდა, რომ მიმდინარე პროცესებში დაეხმარებათ. მათივე განცხადებით, ისინი დღეს "მაესტროს" თანამშრომლებს შეხვდებიან. შესაბამისად, მათთვის დღეს გახდება ცნობილი ვინ აპირებს მუშაობას ტელეკომპანია "მაესტროში" ბაჩო კიკაბიძის ხელმძღვანელობით, ან ვინ დაიწყებს მუშაობს შპს სტუდია "მაესტროში", რომლის დირექტორიც ლევან გაჩეჩილაძე გახდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
