აშშ-ის პრეზიდენტმა დონალდ ტრამპმა განაცხადა, რომ ვაშინგტონი და უკრაინა მალე მიაღწევენ შეთანხმებას წიაღისეულის მოპოვებისა და შემოსავლების გაზიარების შესახებ, იტყობინება Reuters.

ტრამპმა ასევე განუცხადა ჟურნალისტებს თავის კაბინეტთან შეხვედრისას, რომ შეერთებული შტატები უკრაინასთან განიხილავს შესაძლებლობას, რომ ამერიკული ფირმები ფლობდნენ უკრაინულ ელექტროსადგურებს. მან არ დააკონკრეტა, რომელ ჰესებზეა საუბარი.

"ჩვენ ახლა ვსაუბრობთ ტერიტორიაზე. ჩვენ ვსაუბრობთ დემარკაციის ხაზებზე, ვსაუბრობთ ძალაუფლებაზე, ელექტროსადგურების მფლობელობაზე. ზოგი ამბობს, რომ შეერთებული შტატები უნდა ფლობდეს ელექტროსადგურებს... იმიტომ, რომ ჩვენ გვაქვს გამოცდილება", - განაცხადა აშშ-ს პრეზიდენტმა.

სააგენტო იხსენებს, რომ კვირას, 23 მარტს, ამერიკული დელეგაცია შეხვდა უკრაინელ ოფიციალურ პირებს, ხოლო ორშაბათს, 24 მარტს, რიადში (საუდის არაბეთი) რუს ოფიციალურ პირებთან შეხვედრა გამართა. მოლაპარაკებები ძირითადად შავ ზღვაში ცეცხლის შეწყვეტაზე იყო ფოკუსირებული, მაგრამ ტრამპმა თქვა, რომ დღის წესრიგში სხვა საკითხები იყო, რადგან ის უკრაინის წინააღმდეგ რუსეთის სრულმასშტაბიანი ომის დასრულებას ითხოვდა.

ავტორი: ექსპრესნიუსი,

სოციალური ქსელები

საფრანგეთის საელჩო - საფრანგეთი წარმატებებს უსურვებს ახალ პატრიარქს სულიერი მისიის შესრულებაში საქართველოს ერთიანობის სამსახურში

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან

მსოფლიო პატრიარქის გულისამაჩუყებელი მიმართვა საქართველოს ახალი პატრიარქისადმი

მინისტრების, სახელმწიფო რწმუნებულებისა და მერების მოადგილეებს სახელფასო დანამატისა და ფულადი ჯილდოს მიღების შესაძლებლობა ექნებათ