აქციების განრიგს და ქვეყანაში არსებულ პოლიტიკურ სიახლეებს მოქალაქეები დღეიდან ახალ პლატფორმაზე გაეცნობიან. პროტესტის მასშტაბების ზრდის მოტივით სამოქალაქო მოძრაობაში ჩართულმა აქტივისტებმა, პროგრამისტების ჯგუფთან ერთად, პლატფორმა “თერგი” შექმნეს.

იდეის ავტორების თქმით, “თერგი” პროევრუპულად განწყობილ საზოგადოებას მიაწვდის ინფორმაციას, როგორ უნდა დაიცვან თავი ხელისუფლების ტერორისგან.

თერგი არის პლატფორმა, რომელიც შეიქმნა სამოქალაქო მოძრაობაში ჩართული აქტივისტებისა და პროგრამისტების ჯგუფის მიერ და მიზნად ისახავს სრულ კოორდინაციას, დაგვეხმარება იმაში, რომ არ გამოგვრჩეს არცერთი პროტესტი და აქტივობა. ასევე გვაქვს იმედი, რომ გაზრდის პროტესტის მასშტაბებს და დეცენტრალიზაციას მეტად შეუწყობს ხელს. 

რა შეგიძლიათ გააკეთოთ თერგზე: 

• გქონდეთ წვდომა ღონისძიებების კალენდართან და იცოდეთ სად და როდის იგეგმება კონკრეტული აქტივობა;
• გაეცნოთ მნიშვნელოვან სიახლეებს პროტესტთან და ქვეყანაში არსებულ პოლიტიკურ ვითარებასთან დაკავშირებით;
•  გაიხსენოთ, რამდენი გამარჯვება მოგვიტანა ჩვენმა უწყვეტმა და დაუღალავმა პროტესტმა;
•  გაიგოთ როგორ დაიცვათ თავი მაშინ, როდესაც თავს გესხმიან, გაჯარიმებენ, გაკავებენ, გჩხრეკენ და ა.შ.;
• ასევე, შეგიძლიათ თქვენი უნიკალური ლინკით, თქვენს მეგობრებსაც შესთავაზოთ რეგისტრაცია და გარკვეული ჩელენჯიც გვექნება, თუ მეტ ადამიანს ჩავრთავთ პროტესტში. 

პლატფორმა მოგვცემს საშუალებას უკეთ “დავინახოთ” ერთმანეთი და კოორდინაციის მინიმალური ხარვეზებიც აღმოიფხვრას. 

მნიშვნელოვანია ისიც, რომ ყველაფერი არის ანონიმური და დაშიფრული! 
ჩემი აზრით, ეს უნდა გახდეს ჩვენი “სამაგიდო პლატფორმა, - წერს ნენსი ვოლანდი ჯგუფ "დაიტოვეში". 

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს