საქართველოს თავდაცვის მინისტრი თინათინ ხიდაშელი ევროკომისიის მიერ საქართველოს მოქალაქეებისთვის უვიზო მიმოსვლის მინიჭების საკითხთან დაკავშირებულ საკანონმდებლო ინიციატივას გამოეხმაურა.

„ვულოცავ ქართველ ხალხს იმ ძალიან მნიშვნელოვან გადაწყვეტილებას, რომელიც გუშინ გვამცნო კომისარმა. ჩვენმა საზოგადოებამ, რომელიც მოწადინებულია რეფორმების წარმატებისთვის, ყველაფერი გააკეთა ამ დღისთვის. მე არ ველოდები რამე გართულებებს, განსაკუთრებით კი, არ ველოდები ჩვენი მხრიდან, ამ გზაზე ვდგავართ მტკიცედ და დარწმუნებული ვარ, რომ არც ბრიუსელის და არც რომელიმე სახელმწიფოს მხრიდან იქნება განსხვავებული პოზიცია და დამოკიდებულება.

კომისია რეკომენდაციას არ გასწევს, თუ პოლიტიკური კონსენსუსი არ არის მიღწეული. ამიტომ, ძალიან ოპტიმისტურად ვუყურებ შემდეგ რამდენიმე თვეს. წმინდა იურიდიული პროცედურები გვაქვს გასავლელი, მათ შორის ევროპარლამენტში. დარწმუნებული ვარ, ქართველებისთვის, მათი ოცნების ერთი ნაწილი რეალიზებული იქნება. უვიზო რეჟიმის გარდა, ხელისუფლების მცდელობების შედეგად, გვაქვს შანსი, ევროპაში მოგზაურობის დაბალბიუჯეტიანი შესაძლებლობა მივიღოთ. დარწმუნებული ვარ, ამ სიკეთით ძალიან ბევრი ქართველი ისარგებლებს“, - განაცხადა ჟურნალისტებთან საუბრისას თავდაცვის მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია