აშშ-მ რუსეთის წინააღმდეგ შეტევითი კიბეროპერაციების დაგეგმვა და განხორციელება შეაჩერა. ინფორმაციას CNN ამერიკელ ოფიციალურ პირზე დაყრდნობით ავრცელებს. 

ანონიმური ამერიკელი მაღალჩინოსნის თქმით, რუსეთის წინააღმდეგ კიბეროპერაციების შეჩერება აშშ-ს უფრო მოწყვლადს გახდის მოსკოვის პოტენციური კიბერშეტევების მიმართ, ხოლო მოსკოვს ჰაკერების ჯგუფი ჰყავს, რომლებსაც აშშ-ს კრიტიკულ ინფრასტრუქტურაზე თავდასხმა და აშშ-ს დაზვერვის სენსიტიური მონაცემების მოპოვება შეუძლიათ. 

აშშ-ის კიბერსარდლობის, სამხედრო შეტევითი და თავდაცვითი კიბერდანაყოფის ოპერაციებისა და დაგეგმვის შეჩერება ხდება პარალელურად ტრამპის ადმინისტრაციის მცდელობებისა, უკრაინაში ომის დაწყებიდან 3 წლის თავზე რუსეთთან დაძაბული ურთიერთობები განმუხტოს. 

"ოპერაციულ უსაფრთხოებასთან დაკავშირებული მიზეზების გამო, ჩვენ არ ვაკეთებთ კომენტარს ან განვიხილავთ კიბერდაზვერვას, გეგმებსა თუ ოპერაციებს. [თავდაცვის] მდივან ჰეგსეთისთვის არ არსებობს იმაზე დიდი პრიორიტეტი, ვიდრე მებრძოლის უსაფრთხოება ყოველ ოპერაციაში, მათ შორის, კიბერსივრცეში". - გამოცემას უთხრა ერთ-ერთმა მაღალჩინოსანმა აშშ-ს თავდაცვის დეპარტამენტიდან. 

აშშ-ს კიბერსარდლობის ყოფილმა მაღალჩინოსანმა, ჯეისონ კიკტამ გამოცემასთან საუბრისას თქვა, რომ "პენტაგონისთვის უჩვეულო არაა, შეაჩეროს მოქმედებები, მათ შორის, კიბეროპერაციები, რომლებიც პოტენციურად მადესტაბილიზებელი ან პროვოკაციული იქნებოდა [აშშ-რუსეთის] მოლაპარაკებებისთვის". 

ანონიმური ოფიციალური პირების თქმით, რუსეთი და აშშ კიბერსივრცეში რეგულარულ დაპირისპირებაში არიან, ხოლო კრემლი კიბერსივრცეს უყურებს, როგორც აშშ-სთან ასიმეტრიული უპირატესობის წყაროს, ვინაიდან მას შეუძლია, აშშ-ს კრიტიკულ ინფრასტრუქტურაში შეაღწიოს და აშშ-ს არჩევნებზე გავლენის მოხდენა სცადოს. 

კრემლის ამ ძალისხმევის გასანეიტრალებლად, ამერიკული სამხედრო და სადაზვერვო ჰაკერები ბოლო წლების განმავლობაში რუსი კიბერდამნაშავეებისა და დაზვერვის ოპერატორების წინააღმდეგ მოქმედებდნენ. 

ავტორი: ექსპრესნიუსი,

სოციალური ქსელები

პოლონეთმა ისტორიაში ყველაზე მასშტაბური სამხედრო აღლუმი გამართა

სამარაში უკრაინელებმა დააზიანეს ცენტრი რომელიც „სოიუზის“ რაკეტების მიკროელექტრონული კომპონენტებს აწყობს

რუსეთში ბენზინის დეფიციტი საწვავის კრიზისის პიკს უბრუნდება

პირადი ცხოვრების ამსახველი ფოტოები უკანონოდ მოიპოვა და გაავრცელა- კახეთში 1 პირი დააკავეს