2016-03-07 16:39:23, 378 ნახვა
პოლიტიკა
პარლამენტში უზენაესი სასამართლოს წევრის თანამდებობაზე ანა დოლიძის კანდიდატურას განიხილავენ
პარლამენტის იურიდიულ საკითხთა და ადამიანის უფლებათა დაცვის კომიტეტების გაერთიანებულ სხდომაზე საქართველოს პრეზიდენტის მიერ უზენაესი სასამართლოს წევრის თანამდებობაზე ასარჩევად წარდგენილ ანა დოლიძის კანდიდატურას განიხილავენ.
მომხსენებლი საქართველოს პრეზიდენტის ადმინისტრაციის უფროსი გიორგი აბაშიშვილია. ცოტა ხანში კი, საკანონმდებლო ორგანო ანა დოლიძეს მოუსმენს. ანა დოლიძე უზენაესი სასამართლოს წევრობის კანდიდატად საქართველოს პრეზიდენტმა გიორგი მარგველაშვილმა წარადგინა. როგორც მარგველაშვილმა აღნიშნა, ანა დოლიძე პრინციპულობით და პროფესიონალიზმით გამოირჩეული ადამიანია.
ცნობისთვის, ანა დოლიძე ამ დროისთვის თავდაცვის მინისტრის მოადგილის თანამდებობას იკავებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
