4 შვილის მამა, რომელიც ავეჯის ბიზნესს ფლობდა, მანქანაში გვიან ღამით, რამდენიმე გასროლით ჩაცხრილეს. ადგილობრივები ყვებიან, რომ არაერთი გასროლის ხმა გაიგეს, რის შემდეგაც თავდამსხმელი ადგილიდან გაუჩინარდა. დაჭრილი მამაკაცი საკუთარი თავის გადარჩენას ცდილობდა და დასუფთავების მანქანას შეეჯახა.

თვითმხილველების თქმით, ავტომობილს, რომლიდანაც ცეცხლი გახსნეს, სანომრე ნიშნები ჰქონდა მოხსნილი, რაც ეჭვებს იწვევს, რომ მკვლელობა წინასწარ დაგეგმილი იყო. ცნობილია, რომ მოკლულსა და თავდამსხმელს შორის დაპირისპირებას აქამდეც ჰქონდა ადგილი.

„40-წლამდე კაცია. ნომრებიც მოხსნილი ჰქონდა. აქაური არ არის. მანქანაც არ მეცნობა“, - ამბობს ადგილობრივი.

გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს. შინაგან საქმეთა სამინისტრომ მთელი ღამის განმავლობაში საგამოძიებო მოქმედებები აწარმოეს, სამეთვალყურეო კამერების ჩანაწერები ამოიღეს, და ეძებენ შეიარაღებულ მამაკაცს.

ავტორი: ექსპრესნიუსი,

სოციალური ქსელები

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა