ჩვენთვის სამწუხაროდ, ქვეყანაში არის გარკვეული დესტრუქციული ჯგუფები, რომლებიც მიზანმიმართულად ახორციელებენ მინისტრის, ზოგადად, ენერგეტიკის დარგის დისკრედიტაციას, - ამის შესახებ ენერგეტიკის მინისტრმა კახა კალაძემ „იმედის“ ეთერში განაცხადა.

როგორც კალაძემ აღნიშნა, კონკრეტული ჯგუფების მიერ გავრცელებული განცხადებები სრულიად გაუგებარია, თუმცა საზოგადოება კარგად იცნობს ამ ადამიანებს, რომლებისთვისაც რუსეთისთვის მაგისტრალის მიყიდვა პრობლემას არ წარმოადგენს, ხოლო რუსეთიდან დამატებითი მოცულობების შეძენა სამშობლოს ღალატად მიაჩნიათ.

„ჩვენთვის სამწუხაროდ, ქვეყანაში არის გარკვეული დესტრუქციული ჯგუფები, რომლებიც მიზანმიმართულად ახორციელებენ მინისტრის, ზოგადად, დარგის დისკრედიტაციას და თავიანთ სიცრუეზე, დემაგოგიაზე დაფუძნებული განცხადებებით აქვთ სურვილი, რომ წარმოაჩინონ, თითქოს, საქართველოს მთავრობა ყველაფერს აკეთებს ქვეყნის წინააღმდეგ, თითქოს არაფერი კეთდება ენერგეტიკაში, არ ხორციელდება პროექტები, კალაძე არის კორუმპირებული. ესენი არიან ის ადმაიანები, ვინც საუბრობდა, რომ ამ მაგისტრალის მიყიდვა რუსეთისთვის, არანაირი პრობლემა არ იყო. თუმცა, თუ ჩვენ დამატებით მოცულობებს შევიძენთ რუსეთიდან, ეს არის ძალიან დიდი პრობლემა და სამშობლოს ღალატი", - განაცხადა ენერგეტიკის მინისტრმა.

შეგახსენებთ, ენერგეტიკის მინისტრმა კახი კალაძემ და კომპანია „სოკარის“ პრეზიდენტმა როვნაგ აბდულაევმა საქართველოს მთავრობასა და კომპანია სოკარს შორის 2011 წლის დეკემბერში გაფორმებულ მემორანდუმში ცვლილებებს გუშინ მოაწერეს ხელი. ცვლილებების თანახმად, საქართველო აზერბაიჯანიდან დამატებით 500 მილიონ კუბურ მეტრ ბუნებრივ აირს მიიღებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლიკლიკაძე - მძიმე წარსულზე ლაპარაკისას, ადამიანს შეიძლება ცდომილება მოუვიდეს

ბოლო ერთი თვის განმავლობაში, საარსებო შემწეობა კიდევ 7 235 საქართველოს მოქალაქეს შეუწყდა

ყაზახეთი განიხილავს ნავთობის ექსპორტის დამატებით მარშრუტებს, მათ შორის ბაქო-თბილისი-ჯეიჰანს

თურქეთის პარლამენტის წევრებმა ანკარას მოუწოდეს, აღიაროს აფხაზური პასპორტები