თბილისის თეატრალურ უნივერსიტეტში სტუდენტური პროტესტი მწვავდება. უნივერსიტეტის რექტორმა, გიორგი შალუტაშვილმა, ახალი გადაწყვეტილება მიიღო: თუ რომელიმე გაფიცული სტუდენტი უნივერსიტეტის შენობას დროებით დატოვებს, ის უკან ვეღარ დაბრუნდება. ეს შეზღუდვა 23-დღიანი პროტესტის მონაწილე ახალგაზრდებს უნივერსიტეტში დარჩენას აკრძალავს.

სტუდენტები პროტესტს სამი მოთხოვნით აგრძელებენ: ახალი არჩევნების ჩატარება, პოლიტპატიმრების გათავისუფლება და რექტორის გადადგომა.

რექტორის ახალი გადაწყვეტილების ფონზე, სტუდენტები გაჩერებას არ აპირებენ. „რაც მეტ წინააღმდეგობას ვიღებთ, პროტესტი უფრო გაძლიერდება. ეს გადაწყვეტილება რექტორის მხრიდან სადამსჯელო ღონისძიებაა, თუმცა ჩვენ ამას არ შევუშინდებით,“ – განაცხადა სტუდენტმა ნინი გოგიამ.

მისი თქმით, დილით გავრცელდა ვიდეომასალა, რომელიც ასახავს გიორგი შალუტაშვილის გადაწყვეტილებების მკაფიო დოკუმენტაციას, რამაც სტუდენტებს რექტორის გადადგომის მოთხოვნა გაამყარა.

„ახლაც იგივე რეაქცია მივიღეთ: თუ შენობიდან გავალთ, უკან ვეღარ დავბრუნდებით. ეს არის ჩვენს წინააღმდეგ განხორციელებული სადამსჯელო ღონისძიება, მაგრამ ჩვენი პასუხი უცვლელია – რაც უფრო შეეცდებიან ჩვენს გაჩუმებას, მით უფრო ხმამაღალი იქნება ჩვენი პროტესტი,“ – დასძენს გოგია.

სტუდენტების წინააღმდეგ არაერთი შეზღუდვა დაწესდა. იყო შემთხვევა, როდესაც გაფიცულებისთვის საკვების შეტანა აიკრძალა. მიუხედავად ამისა, სტუდენტები პროტესტს არ წყვეტენ და აცხადებენ, რომ სამივე მოთხოვნის შესრულებამდე უნივერსიტეტის დატოვებას არ აპირებენ.

ავტორი: ექსპრესნიუსი,

სოციალური ქსელები

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა

საქართველოს რკინიგზის ყოფილი ხელმძღვანელი დავით ფერაძე დააკავეს

საელჩო: დიდმა ბრიტანეთმა სანქციების ახალ პაკეტში შეიყვანა ხომალდი SILVAR, რომელიც წლის დასაწყისში საქართველოს პორტში იმყოფებოდა

„საქართველოს ბანკის“ წარმომადგენელმა NextGen Payments & RegTech Forum-ზე გამოცდილება გააზიარა